Onaizorim......

[bedavo`]

Onaizorim.....Qachon joningiz rohatda bo'ladi....(Jahongir Muhammaddan)




ONAIZORIM Paxta ekib, hosil kuni tolasidan, ayrilgan

Adolating qani desa, bolasidan ayrilgan,

Allohim, deb dod solarkan, nolasidan ayrilgan,

Onaizorim!

Soclarini yula-yula, majnuntolga aylangan,
Haqni izlab yura-yura qaddi dolga aylangan,

Tizzasiga ura-ura qoli sholga aylangan,,

Onaizorim!

Hijrat, deya ketgan ernikutaverib tul bo’lgan,

Zuryodining yo’lin poylab ostonaga qul bo’lgan,

Ayriliqning tandirida yonaverib kul bo’lgan,

Onaizorim!

Zulm rangi qora magar dunyosiga ingandir,

Adolatning chinoridan umid shoxi singandir,

Yig’layverib ko’z yoshlari, Orol kabi tingandir,

Onaizorim!

Dunyo oniy, gadolar ham sultonlari oniydir,

Bu kun kecar saltanatning mo’ltonlari oniydir,

Boshing ko’tar, g’amu g’ussa arkonlari oniydir,

Onaizorim!

[Asadbek]

Ebbbee, Rasulbek, she'rga bu suratni nima aloqasi bor?

Onalarning joniga to'zim bersin xudo!

[from]

Asadbeck nima degani u " Onalarning joniga to'zim bersin xudo!".

[G'aribiy]

Asadbeck nima degani u " Onalarning joniga to'zim bersin xudo!".Asadbekni so'zini bo'lmagan holda men xam o'z fikrimni aytsam, ijozatlaringiz bilan.
To'zim bu "sabr", "toqat" so'zlarining sinonimi. Eski O'zbek (ya'ni Turk tili) tilida "to'zmoq" chidamoq, sabr qilmoq ma'nolarida ishlatilgan.
Omon bo'ling.

[Asadbek]

G'aribiy,
rahmat fromning savoliga javob berganingiz uchun.

Rasulbek,
ha rasmni qaydan kelganligini bilaman :)

[Asadbek]

2000 yil ushbu forumga KITTEN degan qiz kirib turardi. Shu qizning qalamiga mansub she'r:

Onaginam, sizga hat yozsam,
Qo'llarimga titroq kiradi
Ko'zlarimga yoshlar to'ladi
Ko'zlaringiz tushimda ko'rsam...

So'zlaringiz yodimga olsam
Tilim qotib, so'zdan qoladi
Onaginam! Sizni eslasam
Ko'z o'ngimga yoshlik keladi...

Onam, muborak boshingizga,
Necha oq tola qo'shgandurman...
Ko'zlardan oqqan yoshingizga,
Necha martta ko'z tikkandurman

Ulgaygach bagringizdan yiroq
Manzillarga yo'l oldim bugun
Qo'llarim kul, oyog'im tuproq,
Tunlarim kunlarimdan uzun...

Onaginam, sog'inchlarimni
Qushlar ko'nglingizga eltadi
Kechalar to'kkan yoshlarimni
Gurbat shamoli quritadi...

Onaginam! Tinchimas ko'ngil,
Bagringizda tinchin topardi
Dardlaringiz olsa-ku bu dil!
Bahtingiz-la bahtli bo'lardi...

[from]

G'aribiy raxmat. siz ham sog bulin.