Ishqning tavalludi

[adiba]

Bir yig'i ostida so'liyotir gul,
Mohning qabog'idan to'kilar ko'ngil,
Mening yozig'imga yozilmagan yil-
Ishqning tavalludi.



Tishlar orasiga sabr qoqilar
Ko'zlar arosida abr qoqinar,
Yurak olmasini shoxda qoq qilar-
Dardsizlik mavridi.



Beishq qolib butun xor boldim bu tun,
Bir qatra ko'z yoshga zor boldim bu tun.
Kongil deganidan or qildim bu tun,
Sukunat -bor budim.


Yig'layotgan bulbul, so'liyotgan gul,
O'lsaydim sig'inib sizga astoydil,
Mening peshonamga sig'may qolgan yil-
Ishqning tavalludi.

[Asadbek]

Ajoyib, ammo g'amgingina...
Yangi she'rlaringizdan ko'proq kiritib turing, Adiba opa!

[BIBIHONUM]

Yig'layotgan bulbul, so'liyotgan gul,
O'lsaydim sig'inib sizga astoydil,
Mening peshonamga sig'may qolgan yil-
Ishqning tavalludi.
Adiba har doimgidek tasanno sizga!Ijodingizga rivoj!

[adiba]

Salom do'stlar, bitta she'rga ko'zim tushdi yaqinda,Iqbol Mirzodan.




Deraza pardasi yelkanday shishdi,
Yana seni o'ylab ko'nglim uvushdi,
Seni olib ketdi qaysi daryolar?
Hamrohing bo'ldilar qanday sabolar?


Xonamga nastarin bo'yi bo'yladi,
Sochlari rayhonim seni o'yladim.
Bilmadim boshingdan ketdimi xatar,
Soyabon bo'ldiykan senga ne kaftlar?


Kaptarlar bir-birin suyib o'pishdi,
Xayolim qush bo'lib sen tomon uchdi,
Sen nechun ketding, men nechun ketkazdim?
Qanotimga o'zim shikast yetkazdim.

Deraza raxiga boshimni qo'yib,
O'yladim yomg'irsiz o'tdimi to'ying?
Yig'lamadim, faqa xo'rsindim xolos,
Boladek jimgina o'ksindim xolos...