Cобиқ милиционерлар “ваҳҳобийликда” айбланмоқда

[Abu Hurayra]

Kimda kimni Militsiyadan tanishlari bo'lsa ogoh bo'lsin, ular ishonib yurgan "halqparvar davlatlar"i ularni ham bir kun emas bir kun tuxmat qilib qamoqqa chirritishi yoki yo'qotib yuborishi mumkin!!!
Cобиқ милиционерлар “ваҳҳобийликда” айбланмоқда
Суръат Икромов
Нашр қилинди: 10 июл, 2006 йил

2006 йилнинг 22 ва 23 феврал кунлари соат эрталабки 5-00 да Тошкент шаҳрида “ваҳҳобийлик” диний оқимида гумон қилиниб собиқ милиция ходимлари қўлга олинган:
Мадумаров Отабек 1973 й. т., 2002 йил августигача ЎзР ИИВ тизимида ишлаган, “ТҲМБ” (“СОБР”) ва “Махсус топшириқ бажарувчи бўлинма” (“Спец. наз”) ходими бўлган, ўз хоҳиши билан ишдан бўшатилган. 2003 йилда ЎзР ЖКнинг 168-моддаси (О. Мадумаровнинг аёлининг сўзларига кўра, сохталаштирилган жиноий иш) билан товламачиликда айбланиб судланган. 2003 йилда амнистияга асосан озодликка чиқарилган. Тошкент шаҳрининг Сирғали бозорида автомобил қисмлари савдоси бўйича кичик бизнес билан шуғулланган.
Йигиталиев Асадулла 1975 й. т., 2003 йил май ойигача ЎзР ИИВ тизимида Тошкент шаҳар Сирғали тумани ИИБда участка нозири вазифасида ишлаган, собиқ милиция катта лейтенанти. 2003 йил сўнггида ЎзР ЖКнинг 210-моддаси (яқин қариндошлари ва қўшниларининг айтишларича, сохталаштирилган жиноий иш) билан порахўрликда айбланиб судланган. 2004 йилда амнистияга асосан озодликка чиқарилган. Тошкент шаҳрининг Сирғали бозорида кичик бизнес билан шуғулланган.
Иккала қўлга олинган шахс Тошкент шаҳрининг Сирғали туманида яшаган бўлиб, “ваҳҳобийлик” диний оқимига алоқадорликда айбланмоқда. Уларга қуйидаги моддалар қўлланилган: ЎзР ЖКнинг 244-1-моддаси “Жамоат хавфсизлиги ва жамоат тартибига хавф солувчи материалларни тайёрлаш ёки тарқатиш”, 244-2-моддаси “Диний экстремистик, сепаратистик, фундаменталистик ёки бошқа тақиқланган ташкилотларни ташкил этиш, бошқариш ёки улар фаолиятида иштирок этиш” (О. Мадумаровга); 244-2-моддаси “Диний экстремистик, сепаратистик, фундаменталистик ёки бошқа тақиқланган ташкилотларни ташкил этиш, бошқариш ёки улар фаолиятида иштирок этиш”, 248-моддаси “Ўқотар қурол, ўқ-дори, портловчи моддалар ёки портловчи мосламаларга ноқонуний равишда эгалик қилиш” (А. Йигиталиевга).
“Айблов хулосаси” Тошкент шаҳар ИИББ тергов бошқармасининг катта терговчиси, милиция майори Абдужаббор Ҳошимов томонидан тузилган, Тошкент шаҳар ИИББ тергов бошқармасининг бошлиғи, милиция майори А. Ф. Фахруддинов билан мувофиқлаштирилган ва Тошкент шаҳар прокурорининг ўринбосари А. К. Ниязов томонидан тасдиқланган.

“Айблов хулосаси” бўйича О. Мадумаров ва А. Йигиталиев Ўзбекистон Исломий Ҳаракати ва 1998 йилдан бери қидирувда бўлган Назаров Обидхон Собитхонович (Обид қори), 1999 йилдан бери қидирувда бўлган Мирзаев Абдували Ашуралиевич (Абдували қори) ва ҳозирда қамоққа олинган ва яқин кунларда Тошкент шаҳри жиноий ишлар бўйича маҳкамасида суди бошланиши кутилаётган имом Руҳиддин Фахруддиновлар бошқарган “ваҳҳобийлик” диний оқимига жалб қилинганлар.
2006 йилнинг 11 июл куни соат 10-00 да Тошкент шаҳар жиноий ишлар бўйича маҳкамасида О. Мадумаров ва А. Йигиталиевлар устидан ҳакам Ёқутхон Қодирова раислигида маҳкама жараёни бошланади.


Суръат Икромов,

Ўзбекистон мустақил ҳуқуқ ҳимоячилари

ташаббускор гуруҳининг раиси

E-mail: surat.i@rambler.ru (surat.i@rmbler.ru)
8 июл, 2006 йил

Манба: «Мусулмон Ўзбекистон»
Alloh nohaq tuxmat va bo'xtonga uchrab zulm ko'rayatganlarga najoz bersin, din dushmanlariga kifoya qilsin!

[Abu Hurayra]

Sobiq kasbdoshlarini ayblab, ularni qiynoqqa solgan befarosat, bemiyyalar ularning boshiga ham bir kun bundan bech battari (balkim bu dunyoda), bu dunyoda bo'lmasa keyingi dunyoda aniq tushishini nahotki uylamaydi!???
Allohni o'zi bunday tuxmatlardan omon saqlasin, din dushmanlariga 'ozi kifoya qilsin!, Mazlumlarga najot bersin!
Cобиқ милиционерлар “ваҳҳобийлик”да айбланиб судланди...

Суръат Икромов
Нашр қилинди: 01 август, 2006 йил

2006 йилнинг 25 июл куни Тошкент шаҳар жиноий ишлар судида ҳакам Ёқутхон Қодирова раислигида “ваҳҳобийлик” диний оқимига алоқадорликда айбланаётган судланувчилар Мадумаров Отабек ва Йигиталиев Асадулла устидан ҳукм ўқилди (тафсилотлари ЎМҲҲТГнинг 2006 йил 8 июл кунги хабарида).

Мазкур ҳукм билан:

Мадумаров Отабек – 7 йилу 6 ойга,

Йигиталиев Асадулла – 6 йилу 8 ойга озодликдан маҳрум қилинди.

Судланувчилар тергов томонидан эълон қилинган айбловларни тан олмадилар. Маҳкама жараёни ЎзР ЖПКнинг қўпол равишда бузилиши билан олиб борилди.

– Давлат айбловчиси, Тошкент шаҳар прокурори ёрдамчиси Мирзараҳимов Х. ҳеч бир маҳкама мажлисида иштирок этмади, фақатгина тарафларнинг маҳкамада сўзга чиқиши вақтида шошилинч равишда пайдо бўлди, суд ҳайъатидан судланувчиларни 10 йил муддатга озодликдан маҳрум қилиш жазосига ҳукм қилишни сўраб, маҳкама залини намойишкорона тарк этди.

– Маҳкама жараёнида судланувчиларнинг шафқатсиз қийноқларга солинганликлари маълум бўлди, уларни тергов давомида иқрорий кўрсатмалар беришлари учун электр токи билан ва оила аъзоларини жазолаш таҳдидлари билан қийнаганлар, бироқ раислик қилувчи буларни эътиборга олмади.

– Маҳкамага таклиф этилган ушбу жиноий иш терговчиси, милиция майори Абдужаббор Ҳошимов ҳимоячилар ва судланувчиларнинг саволларини жавобсиз қолдирди ва тергов тугаганидан сўнг судланувчиларни тезкор гуруҳ ходимлари қийноққа солишлари фактини рад этди.

Судланувчиларнинг адвокатлари Ш. Муҳамедова ва М. Муҳаммадиева ўз ҳимоялари остидаги шахсларга нисбатан тергов томонидан эълон қилинган айбловлар маҳкама текширувида ўз тасдиғини топмаганлигини таъкидлайдилар ва жиноий ишни тўла сохталаштирилган деб ҳисоблайдилар. Улар, шунингдек, қатор сўроқ баённомаларини ҳам сохталаштирилган деб ҳисоблайдилар ва жиноий ишда судланувчиларнинг ўз қўллари билан ёзган кўрсатмалари йўқлигини таъкидлайдилар.

Мазкур маҳкама жараёни мониторингини ўтказган ҳуқуқ ҳимоячиси, ЎМҲҲТГ аъзоси Улуғбек Усмонов тергов томонидан таклиф этилган 10 нафар гувоҳнинг 9 таси маҳкамада айбловларнинг ғайриқонуний эканлиги тўғрисида гувоҳлик берганлиги, тергов томонидан тайёрланган яна бир гувоҳ - Қирғизистон Республикаси фуқароси Назарбоев Б. Б. эса кўрсатмаларида эсанкираб қолганлигини таъкидлади.

Ҳуқуқ ҳимоячиси ҳакам навбатдаги буюртмани бажарди, судланувчиларга нисбатан чиқарилган ҳукм эса ноқонуний, асоссиз ва оғир деб ҳисоблайди...


Суръат Икромов,


Ўзбекистон мустақил ҳуқуқ ҳимоячилари
ташаббускор гуруҳи раиси