ИЙМОН қадрини биламизми?

[Shokirbek]

Бир даъватчи домла ҳикоя қилади:
Америка вилоятларидан бирида қайсидир бир мавзуда маъруза қилаётган эдим, маърузам асносида бир киши ўрнидан турдида:
- Домла, бу кишига калимаи шаҳодатни айтдириб, талқин қилиб юборсангиз, деб, ёнида ўтирган америкалик - сариқдан келган кишига ишора қилди.
Мен хурсанд бўлганимдан: "Аллоҳу акбар" деб юбордим. Зеро, Ислом неъмати Аллоҳ ёрлақаган кишиларгагина насиб бўладиган бебаҳо бир гавҳар... Америкалик ёнимга келиб, одамлар рўбарўсида тургач, сўрадим:
- Сизни бу Динга киришга нима ундади, ундаги қайси нарса ўзига жалб қилди?
- Мен анчагина бой одамман, ширкатларим, бойликларим кўп, бироқ ҳеч вақт ич-ичдан қалбимда бахт ҳидини, саодат шуурини туймас эдим... Қўл остимда бир Ҳиндистонлик ишчи ширкатимда ишлар, озгина ойлик олар эди.. Қачон олдига бормай, уни доим жилмайган, хотиржам ҳолда кўрардим... Мен - миллионлар соҳиби эса ўша кўримсиз камбағалчалик ҳеч вақт жилмая олмаётганлигим мени жуда таажжубга солди.. Ўзимга-ўзим: Пуллар, ширкатлар эгаси мен бўлсаму, мана бу қашшоқнинг юзидан табассум аримаса?! дедим. Гўё бу ерда бир сир бордек туюлар, ҳар кўрганимда ўша сирни очишга, ҳақиқатидан воқиф бўлишга иштиёқ менда ортар эди... Охири бир куни олдига келдимда, ўтиришга таклиф қилиб, сўрадим:
- Нега доим жилмайиб юрасиз, бунда бирор сир борми?
У ўзининг одатдаги жилмайишида давом этиб, хотиржамлик билан, соддагина қилиб:
- Чунки мен мусулмонман, "Ла илаҳа иллаллоҳ, Муҳаммад Росуллуллоҳ" деб гувоҳлик берганман, деди...!
- Бу дегани – мусулмон доим бахтли, доим хотиржам деганими?
- Албатта!
- Қандай қилиб ахир?
- Чунки суюкли пайғамбаримиз бизга шу ҳадисни айтиб ўтиб кетганлар: "Мўъмин иши жуда ажойиб-да.. Унинг барча ишларида яхшилик бор, қандай аҳволда бўлмасин, яхшилик уни тарк этмагай: Қийинчилик, ғам-қайғу етадиган бўлса, сабр қилади, яхшилик кўради.. Енгиллик, хурсандлик етадиган бўлса, шукр қилади, яхшилик кўради.." Ҳаётимиз шу икки нарсадан холи эмас – ғам-қайғую хурсандлик.. Оғирлигу енгиллик.. Бахт устига бахт.. Айтинг, бахт бу – қалб сокинлиги, дил осойишталиги эмасми?
У гапини ўша одатдаги ширин табассуми ила тугатар экан, мен қатъий қарорга келиб улгурган эдим:
- Мен бу динга кирмоқчиман.
- Жуда осон, ўша юқорида мен айтган калимаи шаҳодатни келтирасиз..
Мана, ўша калимани айтиш учун ёнингизда турибман...

Юрагим бир тўлқинланиб, одамлар олдида унга шаҳодатни ўргатиб турдим, америкаликларга хос бузиб-бузиб, тили аранг келиб, шаҳодатни айтди-да, сўнг.. ич-ичидан келган йиғисини тутолмади, ҳўнграб юборди.. Юпатмоқчи бўлиб келганларга: "Қўйинглар, кўнглини бўшатиб олсин", дедим.
Йиғидан тўхтагач, бироз ўнғайсизликка тушиб, сабабини баён қилди:
- Шу вақтга довур қалбимга бу қадар осойишталик, сурур кирмаган эди, буни илк бор сезиш кишини жуда ҳаяжонга солиб юборар экан...

Ҳа.. Дил ороми, қалб лаззати ҳеч қачон фильмлар, телесериаллар, мусиқалар, шаҳвоний ҳирсни қондиришлар ила бўлмайди... Аксинча, булар фақат безовталик, юрак сиқишни орттиради, холос.. Қалб осойишталиги эса, Қуръон тиловати, намоз, рўза, садақаю эҳсонлар, бир сўз билан айтганда Иймону Ислом билан бўлади.. Билмаганлар, тажриба қилмаганлар маҳрум ўтмасинлар, тажриба қилсинлар, синаб кўрсинлар..


Shokirbek.

[Black]

Ha, to'g'ri aytasiz, Iymon qadri-qimmatiga hech narsa yetisholmaydi. Ming sevgi, romantika, va boshqa narsalarni maqtashmasin, ko'klarga ko'tarishmasin, ular Iymon halovati oldida bir pulga qimmat. Afsuski, ayrim vaqtlarda o'zlarimiz ham uning qadrini to'g'ri his qilolmaymiz. Nafs balosi yomon narsa.

[Borz_man]

Assalamu alaykum.
Hamma forumchilarga taklif bor edi.
Shu treadga hammamiz o'zimiz bilgan iymonga
taluqli oyat,hadis,rivoyatlarni keltirsak.


Iymon oltmush nechtadur qisimga bo'linadi.
Hayo iymon qisimlaridan biridur.

Rovahul Buhory

[Uzbekistaniy]

عن أَنَس بْن مَالِكٍ رَضِيَ اللَّهُ عَنْهُ عَنْ النَّبِيِّ صَلَّى اللَّهُ عَلَيْهِ وَسَلَّمَ أنه قَالَ:
"ثَلَاثٌ مَنْ كُنَّ فِيهِ وَجَدَ حَلَاوَةَ الْإِيمَانِ مَنْ أَحَبَّ الْمَرْءَ لَا يُحِبُّهُ إِلَّا لِلَّهِ عَزَّ وَجَلَّ وَمَنْ كَانَ اللَّهُ عَزَّ وَجَلَّ وَرَسُولُهُ أَحَبَّ إِلَيْهِ مِمَّا سِوَاهُمَا وَمَنْ كَانَ أَنْ يُقْذَفَ فِي النَّارِ أَحَبَّ إِلَيْهِ مِنْ أَنْ يَرْجِعَ إِلَى الْكُفْرِ بَعْدَ أَنْ أَنْقَذَهُ اللَّهُ مِنْهُ"


Маъноси:
"Кимда учта сифат топилса у инсон албатта иймон ҳаловатини - лаззатини топади: 1. Дўстини фақатгина Аллоҳ учун яхши кўрса, 2. Унга Аллоҳ ва Унинг расули барча нарсалардан кўра суюклироқ бўлса, 3. Аллоҳ уни кофирликдан қутқарганидан сўнг яна қайта куфрга қайтиш унинг учун оловга улоқтирилишдан ҳам кўра ёмонроқ бўлса".


Ҳадиси шарифнинг чуқур маъноли ҳикматлари жуда ҳам кўп, аммо вақт зиқлиги учун сизлардан узр сўрайман.

Вассалому алайкум...

[idris]

Assalomu alaykum! menimch bu oyata aytilgani boisha tushunsak va amal qilsak imon lazatini tushunamiz.


"Эй иймон келтирган кимсалар! Аллохга,унинг пайганбарига ва пайганбарига нозил килинган Китобига хамда илгари нозил булган китобларига имон келтиринглар! Кимки,Аллохга, унинг фаришталарига, китобларига,пайгамбарларига ва охират кунига ишонмаса,демак у жуда каттик адашибти" (Нисо-136)

[Abdurahmon]

Allohu akbar !!
HAQIQAT!
kofirlik to'la zulmatdir!
Ma'siyatlar ham zulmatning parchlaridir
huddi kufr zulmati iymon halovatidan to'sgani kabi , gunohlar ham bu lazzatni yo'qotib , oldini to'sib boradi , Biroq tavba eshigi ochiq, jon halqumga kelmagan ekan hali fursat bor "hamma odam bolasi hatokor, hatokorlarning yahshisi ko'p tavba qiluvchilar" "Allohdan kechirim so'rab tavba qilinglar, men kunda Allohdan yuz marotaba kechirim so'rab tavba qilaman"

[Ismoilzoda]

Ассалому алайкум ва рахматуллохи ва баракатух.
Шокирбек акамиз жуда хам фойдали мавзу бошлабдилар.
Борзман биродаримизга хам рахмат бу ишни давом эттириш хакидаги таклифлари учун.
Аллох рози булсин.
Иймонимизни мустахкамлашга ёрдам берувчи хикоялардан бири билан булишмокчи эдим.

ИХЛОС МЎЪЖИЗАСИ
Бу воқеани бир вақтлар Марказий Африкада ишлаган Жанубий африкалик шифокор ёзиб юборган.
Кечки навбатчиликлардан бирида ҳамширалар билан бирга оғир туғруқ жараёнини ўтказишга тўғри келди. Қанчалик ҳаракат қилмайлик, онани сақлаб қола олмадик. У бизга жажжигина, вақтидан олдин дунёга келган гўдакни ва чирқиллаб йиғлаб қолган икки ёшли қизчани қолдириб ҳаётдан кўз юмди.
Зарур шарт-шароит бўлмаганидан гўдакни қандай сақлаб қолишни тасаввур ҳам қила олмасдик. Чунки ўша вақтда инкубаторни ишлатиш учун электр ҳам йўқ эди.
Экваторда бўлсак ҳам, кечалари жуда совуқ ва жон-жонингиздан ўтиб кетадиган шамоллар эсарди.
Ёрдамичларимдан бири, стажер-акушер омбордан бир қучоқ пахта олиб келиб ҳозиргина дунёга келган болани ўрай бошлади. Ҳамшира эса, грелка олиб кетгани югурди. Аммо бир неча дақиқадан сўнг тушкун ҳолда йиғламсираб қайтиб келди ва иссиқ сув қуяётганида грелканинг ёрилиб кетганини айтди. “Бу бизнинг энг охирги грелкамиз эди!”- деди у куюниб. Ҳа, тропик иқлимда резинанинг мўртлашишини яхши билардим, лекин айнан ҳозир, жуда зарур пайтда бундай бўлиши...
Ғарбда “тўкилган сутга ачиниш ярамайди”, деганларидек, Марказий Африкада ҳам ёрилган грелка туфайли тушкунликка тушишдан фойда йўқ. Чунки, грелка, биласиз, дарахтда ўсмайди, сотиб олай, десангиз, яқин ўртада на дорихона, на дўкон бор.
Бўлар иш бўлди,-дедим ҳамширага ва бошқа ходимларга қарата.- Болани бу совуқ кечадан тирик олиб чиқиш учун оловга иложи борича яқинроқ қўйинглар. Ўзимиз эса галма-галдан бола билан эшик ўртасида ётамиз. Яна чақалоққа шамол тегмасин. Шу кунларда энг муҳими – болани иссиқда ушлаб туриш.
Одатга кўра, эртасига болалар уйига бордим. У ерда истаган болалар билан намоз ўқирдим. Намоздан олдин уларга кечаси бўлиб ўтган воқеани сўзлаб бердим. Грелка ҳақида, гўдакни доимо иссиқда ушлаб туриш қийинлиги ҳақида гапирдим. “Грелка бизни бу вазиятдан қутқарган бўларди,- қўшимча қилдим мен.- Чунки бола сал совуқ қотса ҳам ўлиб қолиши мумкин”. Шунингдек, болаларга гўдакнинг икки ёшли опаси борлигини, онасини соғиниб йиғлаётгани ва онаси энди умуман қайтиб келмаслигини айтдим.
Болалар диққат билан қулоқ солишди ва дуо қилгани туришди. Ўн ёшлар атрофидаги бир қизчанинг дуо қилиши мени ҳайрон қолдирди. У кучли ихлос, бегуноҳ болаларга хос покиза имон билан дуо қиларди.
“Илтимос, Аллоҳ, - деб дуо қиларди у. – Бизларга грелка юбор. Эй Аллоҳ, грелкани бугун юбор, чунки эртага кеч бўлиши мумкин. Чақалоқ эртагача ўлиб қолса нима бўлади?” дуосини охирида эса, яна қўишмча қилиб қўйди: “Аллоҳим, бизга яна чақалоқнинг опаси учун қўғирчоқ ҳам юбор. Шунда сен уни яхши кўришингни, ўзининг ёлғиз эмаслигини сезади. Илтимос, Аллоҳ!”
Бу сўзларни эшитиб боланинг қалбидаги ихлос ва покизаликдан лол қолдим. Ўшанда бу дуога “омин” дея олармидим? Йўқ, менимча ихлос билан айта олмасдим. Бу илтимосни Аллоҳ қондириши мумкинлигига ишона олмасдим. Албатта Аллоҳ ҳамма нарсага қодир ва нимани истаса қила олиш қудратига эга, Қуръонда шундай дейилган. Аммо ҳамма нарсада бўлганидек, илтимоснинг ҳам чегараси бор-ку! Мен ўша шароитда бу илтимосни бажариш мутлақо имконсиз , деб ўйлардим. Чунки бизга грелкани фақат менинг юртимдан юборишлари мумкин эди. Лекин мен у ерда деярли тўрт йилдан буён ишлардим ва ҳали ҳеч кимдан бирорта ҳам посилка олмагандим. Бирортаси посилка юборса ҳам, экваторга, тропик жазирамага грелка жўнатиш кимнинг ҳам хаёлига келарди?
Ана шундай ишончизлик хаёллари билан ишга қайтдим. Бир неча соатдан кейин, ўқувчиларимга тиббиёт асосларидан сабоқ бераётган пайтдимда уйим олдида автомобиль келиб тўхтаганлиги (уйим ишхонага яқин жойлашганди) хабарини беришди.
Уйга етиб келгунимча машина кетиб бўлибди. Лекин, кираверишда 22 килограммлик посилка турар эди.
Мен кўзимга ёш тўлаётганини сездим. Посилкани ўзим оча олмагач, болаларни ёрдамга чақирдим. Бугун ўзим борган болалар уйининг болалари бир пасда етиб келдилар. Уларнинг орасида ҳалиги ўн ёшли қизча ҳам бор эди. Болалар билан бирга тугунларни ечиб, пичоқ билан аста қутини очдик. Ўттиз жуфт кўз қимир этмай менинг қутидан совғаларни олишимни кузатиб турарди.
Қутининг энг устида бир нечта рангоранг свитерлар бор экан. Уларни тарқатиб берганимда болаларнинг кўзлари шодликдан яна ҳам ярқираб кетди. Кейин беморлар учун боғламларни олдим. Уларнинг тагидан турли хил тиббий ускуналар чиқди. Болалар уларга тушунмай қараб туришарди.
Сўнгра майиз солинган бир нечта пакетларни олиб четга қўйдим. Кейинги маротаба қутига қўл солганимда... Йўқ... Бўлиши мумкин эмас!
Ўз кўзларимга ишонмай, ҳақиқатга умуман тўғри келмаслигини тушунган ҳолда қутидан .... Ҳа, ҳа, қутидан яп-янги грелкани олдим!
Болалар ҳайратдан ҳайқириб юборишди. Мен кўз ёшларимни тия олмасдим.
Мен Аллоҳдан грелка юборишни сўрмаган эдим. Чунки бунинг иложи борлигига умуман ишонмасдим. Қанчалик ҳам аҳмоқ эканманки, дуонинг кучига ишонмай ўтирибман!
Шунда ҳалиги ўн ёшли қизча хурсанд ҳолда олдимга югуриб келди. Қутига тикиларкан, у “Аллоҳ грелкани юборибдими, қўғирчоқ ҳам юборган бўлиши керак”,- деб қулоғимга ишонч билан пичирлади.
Ҳа! Албатта! Бошқача бўлиши ҳам мумкин эмасди! Қутининг энг тагида ажойиб, жажжигина қўғирчоқ ётарди. Қизалоқнинг кўзи икки юлдуз каби порлаб кетди. У дуосининг ижобат бўлишига бир сония бўлсин, шубҳаланмаган эди.
“Қўғирчоқни ҳалиги қизга бергани сиз билан бирга борсам майлими, Аллоҳ уни жуда яхши кўришини унга айтардим?... Илтимос”,- дея сўради мендан. Кўзларимда ёш, “Албатта, ширинтойим”,- дея бош силкидим.
Ўша посилка йўлда нақ беш ой юрган экан. Уни менинг собиқ ўқувчиларим собиқ ҳамкасбимнинг ташаббуси билан юборган эканлар. Айнан шу вақтда поосилка жўнатишни ва унга грелка қўшиб қўйишни эса, унинг қалбига Аллоҳ таоло солганди. Бир шогирдим эса, холис имонга эга қизалоқнинг дуосига жавобан қутининг ичига ўша жажжигина қўғричоқни солиб қўйибди.
“Улар сўрашларидан олдиноқ Мен уларнинг барча дуоларини ижобат қилиб қўяман”
Илтимос, бу воқеани атрофингиздагиларга, таниш ва нотанишларга сўзлаб беринг. Бошқалар билан ўртоқлашинг. Аллоҳ сиздан рози бўлсин!
Аллоҳимиз шаксиз Барча нарсани Эшитгувчи ва Барча нарсани Билгувчидир. У бизни яхши кўради!



Аллох барчамиздан рози булсин, мустахкам иймон ва фойдали амаллар сохиби килсин.



http://www.muslimuzbekistan.net/uz/special/literature/story

[Ismoilzoda]

Яна бир фойдали хикоя


3 савол.

Хорижий давлатда узок муддат таълим олиб кайтган йигит ўзининг диндор ота-онасидан унинг 3 та саволига жавоб бера оладиган диний олим ёки бирор мутахассис топиб
беришларини сўради. Нихоят, ота-онаси бир мусулмон олимни топишга муваффак бўлишди… Йигит:
- Сиз кимсиз? Менинг саволларимга жавоб бера оласизми?
Олим:
- Мен Аллох Субхонаху ва Таолонинг бандаларидан бириман. Иншоаллох, сенинг
саволларингга жавоб беришга кодирман.
Йигит:
- Ростдан-а? Кўпгина профессорлар ва мутахассислар менинг саволларимга жавоб топишдан ожиз колган эдилар.
Олим:
- Мен Аллохнинг тавфики ила имкон кадар жавоб беришга харакат киламан.
Йигит:
- Менинг учта саволим бор. Булар куйидагилар:
1. Аллох мавжудми? Шундай бўлса, менга Унинг шаклини кўрсатинг.
2. Такдир нимадир?
3. Агар шайтоноловдан яратилган бўлса, нима учун охир-окибат у ўзи каби ўтдан иборат
бўлган жаханнамга улоктирилади? Шайтон ва жаханнам ўтдан яратилгани сабабли шайтон бундан заррача озор топмайди-ку! Шу хакда Аллох ўйламаганми?

Саволлар тугар экан, олим киши бирдан рўпарасидаги йигитнинг юзига каттик тарсаки
тортиб юборди. Кутилмаган зарба аламидан йигит ўзини йўкотаёзди.
- Нима учун мендан газабланаяпсиз?
- Мен газабланаётганим йўк. Бу тарсаки сенинг уч саволингга бўлган жавобдир.
- Сизни тушунмадим.
- Менинг шапалогимдан сўнг нимани хис этдинг?
- Албатта огрикни хис килдим.
- Демак, огрикнинг борлигига ишонасан, шундайми?
- Албатта.
- У холда менга огрикнинг шаклини кўрсат-чи!
- Кандай килиб? Бунга кодир эмасман-ку.

Шунда олим каршисидаги йигитчага бундай деди:
- Бу менинг биринчи жавобимдир: биз хаммамиз Аллохнинг шаклини кўришга кодир бўлолмасак-да, Унинг борлигини хис этамиз…
Олим сўзида давом этди:
- Ўтган кеча менинг сенга тарсаки тортишимни хаёлингга келтирганмидинг?
Йигит:
- Йўк.
Олим:
- Качондир мен сенга бугун тарсаки тортишим хакида ўйлаганмидинг?
Йигит:
- Йўк.
Олим:
- Мана шу такдир бўлади!
Яна олим деди:
- Сенга шапалок туширган кўлим нимадан яратилган?
Йигит:
- Теридан.
Олим:
- Юзинг-чи? У нимадан яратилган?
Йигит:
- У хам теридан яратилган.
Олим:
- Юзингга тарсаки туширганимдан сўнг нимани хис этдинг?
Йигит:
- Огрикни.
Шунда олим деди:
- Шайтон ва жаханнам хам оловдан яратилган бўлса-да, Аллохнинг хохиши билан жаханнам
шайтон учун нихоятда азобли жой бўлади


Форумда аввал пост килинган булса узр сурайман.
Аллох барчамиздан рози булсин.


http://www.muslimuzbekistan.net/uz/special/literature/story

[Abu-Bakr]

قُلْ مَا يَعْبَأُ بِكُمْ رَبِّي لَوْلاَ دُعَآؤُكُمْ– “Айтинг: Раббим дуо-ибодатингиз бўлмаса, сизларни нима ҳам қиларди?!(сизларга ҳеч қиймат бермас)” [Furqon, 77]

Ибн Касир: “Яъни агар сизлар Унга ибодат қилмасанглар, сизларни эътиборсиз ташлаб қўяди ва назарга олмайди. Чунки у халойиқларни Ўзига ибодат қилишлари ва кечаю кундуз Уни улуғлашлари учун яратган. Мужоҳид ва Амр ибн Шуайб айтади: Раббим сизларни нима ҳам қилсин?”

Табарий: “Эй Муҳаммад, сиз элчи бўлиб келган бу қавмга айтингки, Раббим сизларни нимангизни ҳисобга олсин ва сизларни нима ҳам қилсин?!...

Ибн Аббос айтади: Агар дуоларингиз бўлмаса, дегани иймонларингиз бўлмаса деганидир. Аллоҳ кофирларга хабар бердики, уларни мўминлар қилиб яратмагани сабаб уларнинг Аллоҳга кераги йўқ...”

manba: muslimuzbekistan

[AlbanDra]

Allohdan qo'rqishning alomati yetti narsada namoyon bo'ladi:
1.Tilda: Ollohdan qo'rqqan odam tilini yolg'ondan g'iybatdan boshqalarga bo'hton qilishdan va bekorchi so'zlar aytishdan tiyadi. Uni, ollohni zikr etuvchi, Qur'on o'quvchi va ilmiy muzokaralar bilan mashg'ul a'zo holida shay tutadi.
2.Qalbda: Ollohdan qo'rqqan odam qalbida musulmon qardoshlariga dushmanlik his qilmaydi: yolg'on, bo'hton va hasad qilish kai g'ayriinsoniy tuyg'ularni qalbidan yo'q qiladi. Chunki hasad, kishining go'zal amallarini mahv etadi. Shunga ko'ra, Ollohning rasuli buyuradi: Ey o'quvchi, bilki, hasad qalblarga joylashgan va jamiyat hayotida katta zararlarga yo'l ochuvchi yomon bir kasallikdir. Qalblardagi xastaliklar, yani yomon tuyg'ular, yomon fe'llar faqat ilm va amal bilan davolanishi mumkin.
3.Ko'zda:Ollohdan qo'rqqan odam yeyishda ham, ichishda ham, kiyishda
ham boshqa xususlarda ham ko'zini haromdan ehtiyot qiladi. Dunyoga hirs bilan va har narsani qo'liga kiritish ishtiyoqi bilan emas, ibrat nazari bilan qaraydi . Halol bo'lmagan narsalarga qarashdan tiyiladi. Shuning uchun ham Ollohning rasuli buyuradi: - Kim ko'zini harom narsalar bilan to'ldirsa, Olloh ham qiyomat kuni uning ko'zini olov bilan to'ldiradi.
4.Me'dada: Ollohdan qo'rqqan odam me'dasiga harom luqma bermaydi. Chunki harom luqma yeyish eng katta gunohlardan biridir. Shu bois Ollohning rasuli buyuradi: - Inson zotining me'dasiga bir luqma harom luqma tushganda bu luqma me'dasida qancha vaqt tursa, yeru ko'kdagi farishtalar ham shuncha vaqt unga la'nat o'qiydilar.
5.Qo'lda:Ollohdan qo'rqqan odam qo'lini haromga uzatmaydi, aksincha, Ollohning rizosiga uyg'un narsalarga uzatadi. Ka'bdan shunday bir rivoyat qolgan: - Olloh yashil zumraddan bir bino yaratgan. bu binoda yetmish ming doira va har doirada ming xona bor. Bu yerga faqatgina o'ziga harom narsa in'om etilganda yolg'iz Ollohdan qo'rqqani uchun uni rad etgan kishilar kiradi.
6.Oyoqda: Ollohdan qo'rqqan odam isyon yo'lida emas, Ollohga itoat yo'lida odimlaydi. Ilm-ma'rifat va yaxshi axloq o'rganish maqsadida olimla va solih kishilar majlisiga boradi.
7.Itoatda: Ollohdan qo'rqqan odam yolg'iz Olloh rizosi uchun unga itoat etadi. Riyodan, insonlarga o'zini yo ishlarini ko'z-ko'z qilishdan va ikkiyuzlamachilikdan saqlanadi.

[AlbanDra]

Hammamizga ma’lumki, Alloh eng yomon ko’rgan amal shirk keltirishdir. Undan saqlanish, agar Allohning o’zi marhamat qilmasa, bandasi uchun juda mushkuldir. Chunki shirkning xili, turi ko’p. masalan, ulamolarning aytishicha, “Agar itim bo’lmaganida yoki eshikni qulflamaganimda uyimni o’g’ri urib ketardi”, deyish ham shirkning bir ko’rinishidir. Chunki hamma ish Allohning xohishi bilangina amalga oshadi. Agar u xohlasa, eshikka bir emas, o’nta qulf urilsa ham, o’g’ri o’marib ketaveradi. Xohlamasa, eshigida qulfi bo’lmasa ham, uyga hech kim kirolmaydi.
Albatta, bu gapda, extiyot choralatini ko’rish shart emas, degan ma’no yoq. Balki inson sababini o’rinlatib qo’yib, natijani faqat Allohdan kutishi kerak, deyilmoqchi. Chunki natijada sababgagina, bog’lab qo’yilsa, shirk paydo bo’ldi.
Darhaqiqat, Alloh taolo hayoti dunyoni sabablar pardasi bilan o’radi. Buyuk xohishini esa, pardaning orqasida qoldirdi. Ammo pardaning ortidagi ana shu xohishni ko’ra olishda insonga mashaqqat yoq. Zero, irodasi har narsadan ustun ekaniga Alloh bisyor oyat-alomatlar qildi. Faqat, insonga uyg’oq qalb kerak. Ozgina g’aflat, xolislikdan chekinish shirk tomon toyib ketish deganidir (Alloh saqlasin). Umar ibn Xattob (r.a.) ogoh qilib aytadilarki: “Shirk kishi qalbiga qorong’u uyda qora toshning ustida o’rmalab kelayotgan qora chumolidan ham maxfiyroq tarzda kiradi”.
Payg’ambarimiz (s.a.v.) ham ummatlariga shirkdan panohlanish sari bir yo’lni ko’rsatib ketgankar: “Kim to’shakka kirganda “Qul ya ayyuhal kafurin” surasini o’qisa, Alloh taolo uni shirkdan asraydi”, deganlar.
Xullas, bu og’ir gunohdan saqlanish uchun bandaga teran qalb bilan qilingan xolis harakat hamda Allohning o’ziga ilyijo kerak.
Biz Allohni shirkdan poklaganimiz kabi, Alloh ham bizni shirk amallardan poklasin. Tavfiq Allohdandir.

[AlbanDra]

Imomi A’zamni uch dahriy savolga tutdi:
-Alloh qachon tug’ilgan?
-Qur’onda “U tug’magan va tug’ilmagan” deyiladi.
- Xo’p, qachondan bor?
- U zamondan oldin ham bor edi, hech bir narsa uning borligiga sabab bo’lmagan.
- Misol bilan tushuntir?
- Uchdan oldin ikki bor. Ikkidan oldin bir. Birdan oldin esa, hech narsa yoq. Birdan oldin hech qanqa son bo’lmaganidek, haqiqiy ma’noda BI bo’lgan Allohdan oldin hech narsa yo’qdir.
- Alloh qayoqqa qarab turadi?
- Qorong’u bir honada chiroq qayoqqa qaraydi? Hamma yoqqa. Xuddi shuningdek, yer va osmonlarning nuri bo’lmish Alloh ham hamma yoqqa qaraydi…
Imomi A’zamning javoblaridan so’ng ular yana bittadan savol berishdi. Birinchisi: “Bizga Allohni ko’rsat”, dedi. Ikkinchisi: “Jahannamda olov bilan azob beriladi. Holbuki, jinlar olovdan yaratilgan. Olov olovdan ta’sirlanadimi?” deb so’radi. Uchinchisi: “Hamma narsa qazo va qadar bilan bo’ladi, deysan. Demak, har bir odam qiladigan ishlarini majburan qiladi. Shundaymi?” dedi.
Shunda Imomi A’zam yerdan bir siqim tuproq olib ularning yuzlariga sochdilar. Ular qoziga shikoyat qilishdi.
Qozining so’roviga Imomi A’zam:
- Men uchta savolga bitta tuproq sochishim bilan bitta javob berdim. Bitinchi javob: tuproqdan uning ko’zi og’ridi. Ammo og’riqni ko’rolmadi. Bu bilan oddiygina ko’z og’rig’ini ko’rolmas ekan, Allohni ko’rishni da’vo qilmasa ham bo’lishini tushuntirdim. Ikkinchi javob: o’zi tuproqdan yaratilishiga qaramay, tuproqdan ozor ko’rdi. Olovning olovdan ta’sirlanishini angladi. Uchinchisi esa, jabriya farqasidan edi. “Odamlar ishlarini majburan qiladi”, derdi. Insondagi juz’iy irodani unitardi. Ammo mening juz’iy irodamni unutmadi, “tuproqni majburan otdi”, demadi. Mendan shikoyat qilib o’zini yolg’onchiga chiqardi, - dedilar.

[AlbanDra]

Namoz o’qish oson ish emas. Ayniqsa, xuzu’ va xushu’ ila, surur va ixlos bilan, butun dunyodan ayrilib, butun fikru zikrini Haqqa mutavajjuh etib...
Zotan, namoz musulmon zoti zimmasidagi farz ibodatkim, uni qanday kayfiyat va qanday holatda bo’lsa ham, ado etmoq lozimdir.
Og’ir kundir namoz qazo bo’lgan kun
Bundan yaxshi namoz o’qib o’lgan kun.
Degan satrlari-la, o’sha ma’suliyatni bag’oyat oydin ifodalagan Fozil ota bir kuni uch-to’rt qurdoshi bilan farzni ado etib, bexosdan:
- Bir balodan qutulgandek bo’ldim-e, - debdi.
Shunda o’zini ahli tariqatlardan hisoblovchi mulla Safarboy buva aytibdiki:
- Hay-hay, Fozil, bunday demang, Xudoga xush kelmaydi.
- Gapimda ma’no yoq. Namoz-farz. Ammo shuni bajarmasak, namozni tark etsak, gunohkor bo’lamizmi? Alloh asrasin, biror yomonlikka giriftor bo’lishimiz mumkinmi, axir?! Men shuni balo dedim. Namoz – baloga qarshi qalqon.
- Bo’ldi, bo’ldi, bu yog’ini o’ng’ardingiz, shoir, biz taslim, - debdi Fozil Zohidning hozirjavob-nuktadonligiga qoyil qolgan qurdoshlar

[AlbanDra]

Izn so’rash, ya’ni birovning oldiga kirishda, beshta odob bor:
1.Kim birovning eshigiga kirishni istasa, kelganini eshik orqasidan eshikni ohista taqillatish yo yo’talish tariqasida bildiradi.
2.Agar ovoz chiqsa, eshik orqasidan salom berib: “Ichkari kiraymi?” deb izn so’raydi. Bunday izn so’rash uch marotabadir. Har izn so’ragandan keyin to’rt rak’at o’qishga ketadigan vaqt miqdorida kutib turiladi.
3.Uch marta chaqirganda ham uy egasining ovozi chiqmasa va kirishga izn berilmasa, kutib turilmay, tezda ortga qaytiladi.
4.Agar uy egasi: “Siz kim bo’lasiz?” deb so’rasa, otini aytadi, ammo gumonli qilib: “Men oshnangizman” yoki “do’stingizman”, deyilmaydi.
5.Agar uy egasi bilan borilgan bo’lsa, sharoiti bo’yicha ish ko’riladi.

[AlbanDra]

Hayol surma, hayollar yomon
Tuyg'ularga bermagin izn
Qur'on harfin o'rganib obdon
Salim qalbga ega bo'l qizim.

Fisqqa chorlov seni yo'llardan
Kimdir izlar yolg'on hizrni
Mening munis muslima qizim
Ro'molingla yop televizorni

Sen dunyoga teran boqmoqni
Qur'on hamda sunnatla izla
Dunyo mayda-chuyda deb kuysa
Sen eng katta savdoni ko'zla

Bu savdo-ki, latta-puttaga
Aldanmagan hayotiy ertak
Sen Oishaga, Fotimalarga
Yopishib ol misoli pechak

Hech ularni qo'yib, yuborma
Sen ularni chindan, bil ONA,
BOSHINGDAGI RO'MOL YECHILSA
BOSHING ILA TUSHSIN MARDONA

Qalbing ila haqni tanigin
Berilmagin falsafalarga
Zargar dunyo aslida bitmish
Yolg'on-yashiq safsatalarga

Qizim mening, muslima qizim
Aqidangda hotirjam qolgin
Xatto onang tobutin ko'rsang
Allohdanmiz deb ayta olgin

Bilib qo'yki dunyo bevafo
Manzil oldi nasihat so'zim
Mendan ko'ra Rosululloh(sollallohu alayhi vasallam)ni
Yaxshi ko'rsang roziman qizim.

[AlbanDra]

Haq rizosin tilab, hijob tutgan qizlar
Xalqning emas, Holiq lutfin kutgan qizlar
Haq isqida nozin ichga yutgan qizlar
Pok qalbingiz chin ilohiy xislar tuysin
O'rangan oy yuzingizni Alloh suysin!

Yot nazardan qochib, parda tutib yuzga
Ibrat bo'lib behayo-yu qaro yuzga
Endi hatto tosh otsalar tegmas sizga,
Sizga zulm istaganlar o'zin tiysin
O'rangan oy yuzingizni Alloh suysin!

Bu ne fayzu karomatkim sirlarga boy,
Misli bulut arosida kulganday Oy
Or-hayoga burkanipti Oyday chiroy
Kiyim kiygan yalang'ochlar RASHKda KUYSIN!
O'rangan oy yuzingizni Alloh suysin!

Oriyatli oy yuzlarni to'sgan parda
Bir chiroyni tovlatti ming bir chiroyda
Yomon ko'zdan asrasin Alloh har joyda
Betavfiqlar mayli nima desa desin
O'rangan oy yuzingizni Alloh suysin!

Muhofaza etib o'zni yot nazardan
Besh mahramni qutqardingiz ahli nardan
Haq lutfiga sazovorsiz tong sahardan
Ochiq-sochiq yurganlar ham esin yig'sin
O'rangan oy yuzingizni Alloh suysin!

Dunyo-sinov, haq yo'lida sobit qoling
Hatarlardan eson-omon o'tib oling
Jannat uzra bunda poyondozlar soling
Alloh o'zi sizga chin baht ato qilsin
O'rangan oy yuzingizni Alloh suysin!

[AlbanDra]

Juma kunida
…poklik
Juma kuni yuvinish sunnatdir. Ba’zi odamlarning fikricha vojibdir.
Kishining ish kiyimlaridan tashqari juma kuni kiyadigan bir ichki va tashqi kiyimi bo’lsa, yaxshi, bu hol imkoni borlar uchun mustahabdir. Muhimi ozodlik va poklikdir.
Rasululloh (s.a.v.) marhamat qiladilar: “Kimki juma kuni tirnoqlarini olsa, Alloh undan bir kasallikni ketkazadi va bir shifo beradi”.

…maqbul vaqt
Rasululloh (s.a.v.) marhamat qiladilar: “Juma kunida shunday bir vaqt borki, kimki bu vaqtda duo qilsa, tilagi shu vaqtga to’g’ri kelsa, Janobi Haq u kishini tilagiga yetkazadi”.
Bu ijobat vaqti haqida qirqqa yaqin qarashlar bo’lib, bulardan eng sahihi xatibning minbarda o’tirgandan namoz o’qilgunga qadar o’tgan vaqtdir. Bu vaqtda qalban duo qilinadi.

… Qahf surasini o’qish
Rasululloh (s.a.v.) marhamat qiladilar: “Kimki juma kuni surai Qhfni o’qisa, oyoqlari ostidan osmonlarga qadar uning uchun bir nur yuksaladi. Bu nur qiyomata qadar porlab turadi. Ikki juma o’rtasidagi xatolar avf etiladi”.
“Juma kuni surai Qahf o’qigan kishi sakkiz kun barcha fitnalardan saqlanadi. Dajjol chiqsa ham, uning yomonligidan muhofaza qilinadi”.
“Biror kishi juma kuni yoki oqshomi surai Qahfni o’qisa, o’qigan joyidan Makkai Mukarramaga qadar nurga to’ladi. Kelgusi jumagacha va yana uch ziyoda kunga gunohlari kechiriladi. Yetmish ming farishta tongga qadar uning avf etilishini tilaydi” (Abu Dovud rivoyatlari)

[AlbanDra]

Qalb siqilish va nafs kasallliklariga davoni ulamolarimiz bunday tushuntiradilar:

1. Hidoyat va tavhid, chunki zalolat va shirk qalb torligini keltirib chiqaradi.
2. Alloh bandasining qalbiga solib qo’yadigan haqiqiy nuri imon va amali solih.
3. Foydali ilm, zero, kishining ilmi ko’paygan sayin qalbi ochiladi va kengayadi.
4. Parvardigorga bo’lgan inobat (tavba bilan yuzlanish) va umid, butun qalbi ila Unga muhabbat, yaqinlashuv va Unga ibodat ila rohatlanish.
5. Barcha holat va vaziyatlarda doimiy ravishda Allohni zikr qilish. Qalbning ochilishi, uning mutmain (xotirjam) hamda g’am qaygudan xalos bo’lishida zikrning ahamiyati juda katta.
6. Odamlarga barcha yo’llar bilan yaxshilik qilish. Zero, muhsinlarning ulug’I insonlarning qalbini ochganlar va ko’ngillarga huzur bag’ishlaganlardir.
7. shijoat. Shijoat dilni oluvchi va qalbni kengaytiruvchi vosita hisoblanadi.
8. siqilish va azobni paydo qiladigan g’azab, nafrat, adovat, yomon ko’rish, nohaqlik kabi illatlarni qalbdan quvish.
9. Noo’rin narsalarga qarash, nojoiz narsalarni eshitish, ko’p gapirish, ko’p yeyish va ko’p uxlashni tark qilish.
10. Foydali ilm va amallar bilan mashg’ul bo’lish. Chunki ular qalbni zararli narsalardan to’sadi.
11. Kundalik amallarga ahamiyat berish, kelgusidagi ishlarga qayg’urmaslik, ba, mo’min bandada dini va dunyosiga foyda beradigan ammallarga tirishadi va Rabbidan maqsadning muvaffaqiyatini so’raydi.
12. Kafforat berish yoki boshqa yo’llar bilan qaytarib bo’lmaydigan amallardan saqlanish.
13. Agara bandaga baxtsizlik kelsa, uni daf etishga harakat qilish. Bu ish bandaga vojibdir.
14. Qalbning quvvatini ketkizuvchi va bezovtalikni, yomon fikrlarni keltirib chiqaruvchi vahima, hayol, hayajon va g’azablarga barham berish.

[AlbanDra]

Mansub bo’lganimiz ummat orasida mashhur, ammo bugun unitilayozgan bir qoida bor: “Xushu’ bo’lmagan namozda xayr yoqdir”.
Xo’sh, xushu’ nima o’zi?
Alloma ibn Kasirning aytishiga kora , namozda viqor va tavozu’ bilan sokin, xotirjam turish xushu’dir. “Madorij” asarining muallifi esa: “Xushu’ Rabb taoloning huzurida hokisorlik va xorlik bilan turishdir”, deydi.
Xushu’ ixlosdan alomatdir. Uning joyi qalbda, mevasi a’zolarda. Xushu’ili qalbgina Parvardigoriga egiladi, keyin a’zolar ham unga ergashib, Allohga bo’ysunadi. Agar qalb xushu’ qilmasa, ga’flatda qolsa, a’zolarning itoati ham buziladi. Chunki qalb tanadagi podshohga oxshaydi...
Xushu’li qalbni qozonish nihoyatda qiyin, ammo uni yo’qotish juda oson. Ayniqsa, bizningdek dunyoga ruju qo’ygan avlodlar zamonida. Tabaroniy va Haysamiylar rivoyat qilgan sahih hadisda Payg’ambarimiz (s.a.v.) ogoh etadilarki: “Bu ummatdan birinchi ko’tariladigan narsa xushu’dir. Hatto uning ichida bironta xushu’ qilguvchini topolmay qolasan”.
Namozni xushu’ bilan o’qish haqida gap ketganida ba’zi salaflarimiz aytishar ekan: “Namoz podshohga hadya qilinadigan cho’ri qizga o’xshaydi. Unga shol, g’ilay, ko’r, qo’l-oyog’i kesilgan yoki nogiron, xunuk qizni hadya qilgan odam haqida qanday gumon qilish mumkin? Xuddi shuningdek, kasal, rusiz namozni Rabbiga taqdim eta turib, yana o’sha namozi bilan Egasiga yaqinlashishni istaydigan banda haqida-chi? Alloh pokdir. Faqat pok narsani qabul qiladi. Ruhi bo’lmagan namoz esa, pok amal emas.”
Xushu’ bizga namozni sevdiradi, mashaqqatlarini ketkazadi, yengil qiladi. Alloh taoloning ushbu oyati so’zimiz dalilidir: “Sabr va namoz bilan yordam so’ranglar. Albatta, u (namoz) og’ir ishdir. Faqat xushu’ qilguvchilarga (og’ir emasdir)” (Baqara, 45).
Namozning ruhi xushu’dir. Xushu’ning ketishi borib-borib namozning ham yo’qolishiga sabab bo’ladi. Huzayfa ibn Yamon (r.a.) aytadiki: “Dininglardan birinchi yo’qotadigan narsa xushu’dir, oxirgisi namozdir”.
Xullas, butun namozlarimizga xushu’ni qaytarish biz uchun juda muhim. Chunki Alloh taolo Mo’minlar surasining avvalidayoq, faqat namozlarida xushu’ qilguvchi mo’minlar najot topishi haqida bayonot berib qo’ygan...

[AlbanDra]

Gina saqlagan odam behuzur yashaydi.
Dunyoning ne’mati boqiy bo’lmagani kabi, qiyinchiligi ham doimiy emas.
Imon va ilm insonga sharaf beradi. Ulardan mahrum bo'lish barcha sharaflardan ayrilish demakdir.
Do’stingning oldiga borganingda unga yaxshi muomilada bo’l. yonida uzoq o’tirma. Ularning ham muammolari bo’lib, yonlarida uzoq o’tirsang, bezor qilasan.
Seni ranjitganlarga lutf etib, sabr ila ish tut. Shunday qilginki, ular qilgan ishlaridan uyalsinlar.
Haddini bilganlar mo’tadil yashaydilar. Bilmaganlar ortiqcha harakatlari bilan o’zlarini falokatga duchor qiladilar.
Inson rizqini izlaydi. Aslida rizqi uni izlaydi. Insonlar taqdiri azalda bitilgan rizqlarini yemagunlaricha o’lmaydilar.

[AlbanDra]

1.Ko’p yeyish kishini toshbag’ir qilib qo’yadi, qalbning nurini so’ndiradi. Inson vujudida, qalbning ostidagi oshqozon qaynab turgan qozonga o’xshaydi. Uning bug’I qalbga ko’tariladi. Ko’p yeyish shu bug’ni ko’paytiradi va qalbning qorayishiga, kirlanishiga sabab bo’ladi.
2.Ortiqcha yeyish tana a’zolarining ortiqcha ishlashiga va oqibatda faoliyatining buzilishiga sabab bo’ladi.
3.Ko’p yeydigan kishining bilim va tushunchasi oz bo’ladi.
4.Ko’p eydigan kishining ibodati ozayadi. Chunki badani og’irlashadi, uyqu bosadi, sezgi a’zolari bo’shashib, ibodat qila olmay uxlab qoladi.
5.Ko’p yeyish ibodatdan zavq olishga mone’lik qiladi. Hazrati Abu Bakr (r.a.) shunday deydilar: “Allohga bo’lgan ishtiyoqdan ayrilmaslik uchun musulmon bo’lganimdan keyin to’yib ovqat yemadim, qonib suv ichmadim”.
6.Ko’p yeyishga odatlanishda haromga kirib qolish tahlikasi bor.
7.Ko’p yeydigan kishilarda o’lim qiyin kechadi.

[Abu-Bakr]

Комил мусулмон табиатида куйидаги олий сифатлар ўз ўрнини топади:

Ўзи учун хохлайдиган хайрли-халол нарсаларни ва тоат-ибодат амалларини биродарига хам согиниш. Ўзининг бошига тушишини истамаган ёмонлик ва маъсиятдан биродарларининг хам омон юришини тиламок. Муоз разияллоху анху дейдилар: Мен Расулуллох соллаллоху алайхи ва салламдан энг афзал иймон хакида сўрадим. Расулуллох соллаллоху алайхи ва саллам жавоб бердилар:
"Ўзинг учун яхши кўрган нарсани бошка одамларга хам исташинг ва ўзингга хохламаган нарсани ўзгаларга хам хохламаслигинг!"

(Ахмад ривоятлари).

Биродарининг дини ва амалида бирон нуксон кўрганда уни ўнглашга харакат килмок.
Ўзи учун бировлардан инсоф-адолат талаб килганидек, биродарига нисбатан хам хамиша адолатли бўлиб, унинг хак-хукукларини тўла адо этиш. Абдуллох ибн Амр ибн Ос разияллоху анхудан: Расулуллох соллаллоху алайхи ва саллам дедилар:

"Кимда-ким дўзахдан узоклаштирилиб, жаннатга киритилишини хохласа, Аллохга ва Охират кунига иймон келтирган холида дунёдан ўтсин ва ўзига нисбатан кандай муомалани яхши кўрса, одамларга хам шундай муомалада бўлсин".

(Муслим ривоятлари).

muslimuzbekistan

[infolife]

1.Ko’p yeyish kishini toshbag’ir qilib qo’yadi, qalbning nurini so’ndiradi. Inson vujudida, qalbning ostidagi oshqozon qaynab turgan qozonga o’xshaydi. Uning bug’I qalbga ko’tariladi. Ko’p yeyish shu bug’ni ko’paytiradi va qalbning qorayishiga, kirlanishiga sabab bo’ladi.
2.Ortiqcha yeyish tana a’zolarining ortiqcha ishlashiga va oqibatda faoliyatining buzilishiga sabab bo’ladi.
3.Ko’p yeydigan kishining bilim va tushunchasi oz bo’ladi.
4.Ko’p eydigan kishining ibodati ozayadi. Chunki badani og’irlashadi, uyqu bosadi, sezgi a’zolari bo’shashib, ibodat qila olmay uxlab qoladi.
5.Ko’p yeyish ibodatdan zavq olishga mone’lik qiladi. Hazrati Abu Bakr (r.a.) shunday deydilar: “Allohga bo’lgan ishtiyoqdan ayrilmaslik uchun musulmon bo’lganimdan keyin to’yib ovqat yemadim, qonib suv ichmadim”.
6.Ko’p yeyishga odatlanishda haromga kirib qolish tahlikasi bor.
7.Ko’p yeydigan kishilarda o’lim qiyin kechadi.

SubhanAllah...

yahshiyam ozyappan lol

lekin zor gap ekan boldda,rahmat

[Ulug'bek]

1.Ko’p yeyish kishini toshbag’ir qilib qo’yadi, qalbning nurini so’ndiradi. Inson vujudida, qalbning ostidagi oshqozon qaynab turgan qozonga o’xshaydi. Uning bug’I qalbga ko’tariladi. Ko’p yeyish shu bug’ni ko’paytiradi va qalbning qorayishiga, kirlanishiga sabab bo’ladi.
2.Ortiqcha yeyish tana a’zolarining ortiqcha ishlashiga va oqibatda faoliyatining buzilishiga sabab bo’ladi.
3.Ko’p yeydigan kishining bilim va tushunchasi oz bo’ladi.
4.Ko’p eydigan kishining ibodati ozayadi. Chunki badani og’irlashadi, uyqu bosadi, sezgi a’zolari bo’shashib, ibodat qila olmay uxlab qoladi.
5.Ko’p yeyish ibodatdan zavq olishga mone’lik qiladi. Hazrati Abu Bakr (r.a.) shunday deydilar: “Allohga bo’lgan ishtiyoqdan ayrilmaslik uchun musulmon bo’lganimdan keyin to’yib ovqat yemadim, qonib suv ichmadim”.
6.Ko’p yeyishga odatlanishda haromga kirib qolish tahlikasi bor.
7.Ko’p yeydigan kishilarda o’lim qiyin kechadi.


Ko'chirganda manbani ko'rsatish lozim!

Birlamchi Manba: “Yaxshi kishilar odobi” kitobi.

Ikkilamchi manba:http://forum.ziyouz.com/index.php?topic=705.0 (http://forum.ziyouz.com/index.php?topic=705.0)

[AlbanDra]

men umuman boshqa bir joydan oluvdim:wink: