Mas'ud ijodidan namunalar

[Mas'ud]

Baxtingni topasan. Uning totini,
Totib ko'rganingda bilasan buni.
Kurash-u, firoq ham qiynoq otini,
Unutib yashaysan kuni-yu, tuni.

Baxtingni topasan. Men uni ko'rdim-
U qidirar seni hecham tinmayin,
To'xtatib men undan savollar so'rdim,
Javoblar berdi u, nelar so'rmayin.

U sening orzungni so'zladi to'lib,
Umiding ro'yosin bayon ayladi.
Otashin ishqingni pichirlar kulib,
Tuganmas mehringni yonib so'yladi.

Kutgil uni, do'stim, u izlar hamon,
Dala-yu, tog'larni kezmoqda shu dam.
Iltimosim: seni topgani zamon,
Baxtingga ayt mening nomimdan salom!!!


hurmat ila...

[Mas'ud]

Bukun ko'ngil xijil, dardlarim dunyo,
Boshqa sevmaslikka qilgandayman ahd
Kunlar ham zulmatga qul bo'lgan go'yo
O'zgaga yor bo'lib, kutayapsan baxt.

Haqqim yo'q bo'lsada, tinch qo'ymaydi rashk,
Dilimdan tilimga ko'chadi ohim
Yetim bola misol qolib ketdi ishq,
Ayt menga, ne edi, mening gunohim?

Kechalar uyqusiz, kunduzlar nursiz,
Bir so’zsiz, izhorsiz sevganligim rost.
Yuragimdan chuqur qoldirib bir iz,
Faqat yonginamda bo’lmaysan holos.

O’ying bilan yashab, kun ko’rayapman,
Ertalab ishga bor… kechqurun uyga…
Shu kuyi begona bo’lib boryapman,
Muhabbat atalgan mahzun tuyg’uga.

Yolg’iz odimlayman hayot so’qmog’in,
O’tganu-ketganlar qaramaydi bir.
Ketkaza olmaydi yurakning dog’in
Shunday ekan taqdir, shu ekan taqdir

JaruleUZB

[Mas'ud]

Avval tong o’z ko’rkini paysalga solib,
Simirib oldi-ku, tomchi shabnamni.
So’ngra quyosh ko’kdan butkul yo’qolib,
Mavhumlikka botib, tirnar yaramni...

Ko’zlarim so’nyotgan yulduz misoli,
Qovjirab bormoqda yurak tomirim
Sarobga aylandi ko’klam visoli,
Saraton bir joyda qotib qoldi jim...

Sochilgan xayolim to’plamay turib,
Husuhimga kelishlik vaqtin kutmasdan.
Hayotimga kelding chaqmoqdek urib,
Va... ketding birorta so’zing aytmasdan...

Oxirgi qarashing eslaganda zum,
Umrning taqvimi tinmayin yondi...
Tog’lardek serviqor yuksalgan qalbim,
Mung’ayib... mushtumdek tosh bo’lib qoldi

JaruleUZB...Iyul, 2007

[Mas'ud]

Юрагимни этиб тасаввур,
Чизмоқликни жудаям истаб,
Фикр айлаб мисли мусаввир,
Ён дафтарим очдим оҳиста
Билмас эдим қалбимнинг шаклин,
Тутайми ё уни сўроққа...
Иложини топмайин кейин,
Катта сўроқ қўйдим вараққа
Юз қизарди аввалига сал,
Қолдим дея ундан кулгуга
(Нима қилай ахир шу маҳал?)
Кўрсатдим сўнг секин кўзгуга.
Буни қаранг, кутилмаганда,
Битта тасвир хаёлим олди.
Кейин ўша расм бутунлай,
Кўзларимга жо бўлиб қолди.
Олам асли очилмас тилсим:
Ойнада не ҳикмат бўлибди?
Азоблардан толган юрагим
Томчи қони билан турибди...


Bugun...JaruleUZB

[Mas'ud]

Дилимдa тaсвирлaб бўлмaс бир сурур,
Ўзгaчa зaвқ бeрaр олгaн нaфaсим.
Зуҳро юлдуз мисол тaрaтгувчи нур
Тaбaссум юзлaргa кeлaр ҳaвaсим.

Борлиқ гўзaллигин aтрофгa сочгaн,
Ифорлaр кeлтириб эсaди нaсим.
Ҳaёлим ўғирлaб ойлaргa қочгaн,
Зулфинг торлaригa кeлaр ҳaвaсим.

Ўйлaниб қолaмaн...Гоҳ ўйим рўё,
Гоҳидa нуқтaгa тикилaмaн жим.
Ҳaётдaн миннaтдор, ҳaм мeҳридaрё,
Қaлби бутунлaргa кeлaр ҳaвaсим.

Юрaгим орзиқиб, ўртaнaр жоним,
Қувончли кунлaрим ёдгa солиб зум...
Бу ёруғ олaмдa ҳeч йўқ aрмони,
Бaхтли инсонлaргa кeлaр ҳaвaсим.

Юзлaндим нeчa бор минг турли кўзгa,
Зор бўлдим бир оғиз дaрмонли сўзгa,
Ҳaр eрдaн излaдим, топмaдим ўзгa,
Сeнинг кўзлaринггa кeлaр ҳaвaсим...

2006...JauleUZB

[Mas'ud]

JaruleUZB - qales bratan? Telefonam qimisiz :) Sher-ga gap yoq!

Man uzim bir sher uqimagan odamman , maktabda xam sherlarni olganimni kunimdan yodlab borardim 2 olmaslik uchun lekin manbu sherni 1 chi marta ohirigacha uqidim...,
Shu savol-ni bermoqchidim!? SHer qilib..... javobi bolarmikin!?



:rolleyes::rolleyes::rolleyes::rolleyes:: :rolleyes::rolleyes: :(

Wualaykum assalam... Alhamdullah, sog-salomatman...

Tushunganimcha, savolingizga javob beaman: She'r yozilgandan keyin, javobi bo'ladimi? degan m'noda savol berdingiz, chamasi....

She'r javob yozish uchun yozilmaydi... :)...

Umuman olganda, har qanday asar, u she'r yoki boshqa asar bo'lsin, nima uchun insonlarga yozishini o'ylab ko'rganmisiz?... Javobi shunday: Agar biror asar bizning ko'nglimizga mos tushsa, demakki o'sha asarda biz o'zimizning ma'lum qismimizni topgan ekanmiz... balki, hayotimizda shu she'rda kltirilgandek voqea bo'lgandir, balki shunga yaqin...hullas, aynan shu sababga kora o'quvchilar biror asarni baholasalar kerak deb o'ylayman...

Marhamat qilib yana bitta she'r:...;)


Сени ўйлаяпман...
Қайдадир сен ҳам,
Олис юлдузларга
Термуласан жим...
Кимнидир кутасан
Интиқиб шу дам.
Мен ҳали билмаган,
Дилгир малагим.

Кичик бир нуқтада,
Жамулжам хаёл...
Йўл қараб чарчаган
Нигоҳинг ғамгин.
Толиққан қарашда
Сон мингта савол,
Ораста қалбингга.
Бермаяпти тин.

Ичинг анор каби.
Қизилликка ғарқ,
Ҳар битта донаси –
Азобинг, дардинг.
Айт нега жим тилинг,
Сарвинози Шарқ,
Бунчалик сабрни
Қаердан олдинг?

Битмас матонат-у
Туганмас тоқат,
Ва жиндек табассум,
Кўзларингда жо.
Юрагинг ақлингдан
Истайди шафқат,
Ҳар битта зарбаси –
Юзта илтижо.

Бас, етар!
Қийноқли дамларинг
Ортда,
Унутиб ғамларни,
Шодон куламиз.
Эзгуликка тўла
Шодон ҳаётда,
Албатта иккимиз
Бахтли бўламиз...

Соғиниб, ўртаниб,
Энтикиб ёниб,
Сени ўйлаяпман...

7 Iyul, 2007 yil...JaruleUZB

[rosefire]

'lekin bazigilar shunchaki sher oqishni yoqtirishadi, biror sherni yoqtirishiz, shu sherdagi tasvirlangan voqea hayotizda qay manodadir sodir bo'lgan degan hulosaga op kemaydi kop hollarda. biror sherni yoqtirib, nima uchun sizga shunchalik yoqishini tushuntirib bera olmasligiz mumkin misol uchun kichkina bolakayning sevgi haqidagi she'r o'qib bir dunyo zavq olganini guvohi bo'lganmisiz. (bu uni sevib qopti yoki, sevgidan azoblanibdi bechora degani emas) ayniqsa adabiyotga, sheriyatga katta etibor berilgan oilada osgan inson har qande chiroyli yozilgan sherlarni oqib zavq oladi.
bogchaga borgan paytlarimda katta katta gazallar yodlatardi dadamlar. "Kecha kelgumdir debon ul sarvi gulro kelmadi", "ashraqat ming aksi shamsil kasi anvorul Hudo, Yor aksin mayda ko'r deb jondin chiqdi sado" va hakazo. 3-5 yashar qizcha manosiga tushunmasam ham Gбzallarni o'qib mazza qilardim. Biror bir sherni yoqtirib qolishiz uchun, she'rning manosi hayotingizdagi nimanidir tasvirlab berishi shart emas deb oэlayman

sherlaringiz uchun rahmat. juda chiroyli yozilganJavobi shunday: Agar biror asar bizning ko'nglimizga mos tushsa, demakki o'sha asarda biz o'zimizning ma'lum qismimizni topgan ekanmiz... balki, hayotimizda shu she'rda kltirilgandek voqea bo'lgandir, balki shunga yaqin...hullas, aynan shu sababga kora o'quvchilar biror asarni baholasalar kerak deb o'ylayman...
7 Iyul, 2007 yil...JaruleUZB

[Mas'ud]

Ўзга дунё қидириб...

Ўзимнинг оламим бир четда қолиб
Ўзга дунёларда яшамоқдаман.
Гоҳ узоқ қоламан ўйларга толиб,
Нимага қайтмайман ўзимга ҳамон?

Турли сарҳадлардан турфа дунёлар,
Янада сирлироқ кўринар қалбга...
(Бир юлдуз чақнаса бири йўқолар)
Кўнгил хоҳишини буюрманг айбга.

Аждодлар юртига кетаман гоҳи,
Бир миллат ҳақида ичдан куяман.
Букун ёшларининг нима гуноҳи,
Барини бир зумда дилдан туяман...

Улар чун Навоий бегона бир зот,
Ҳайёмдан рубоий ўқишмас тунлар.
Фузулий ғазалин этишмайди ёд,
Машрабни осгандан сўрашмас хунлар.

Чўлпон, Қодирийдан топишмайди ранг,
Муқимий Фурқатни эслашмайди бир.
Китоб қўлга олмас, минг сўкиб, терганг,
Барига айбдор “бечора тақдир”...

Келажак авлодлар олами томон,
Кейин хорғин тарзда юраман ҳафа.
Менга дуч келади сўнгсиз оломон,
Четроққа чиқаман айни шу даъфа.

У асло халқ эмас – бир гурух, бир тўп,
Қайга етакласа, кетар мақсадсиз.
Уларга боқаман сиқилиб, ёниб,
Қўрқаман, қолмаса саводсиз, хатсиз...

Ҳақиқат изласам айбдорман бугун,
Маломат тошлари “келар” номимга.
Шундан ўзим маюс, кўзларим ғамгин,
Шундан қайтолмайман ўз дунёимга...


Mas'ud...

[Mas'ud]

Hayollar girdobi hushimni olib,
Cheksizlik tubiga sho‘ng‘iydi besas.
Ufqlarga tikilib, o‘ylarga tolib,
Xorg‘in xislar ila olaman nafas...

Dadrlaring bezovta qilmaydi boshqa,
Qabringga boraman holingni so‘rab.
Foniy dunyo soldi g‘amlarni boshga,
Vidolashdim, seni gullarga o‘rab.

Bardoshim tugagan xayrlashgan on,
Paymonam kosasi allaqachon lim.
Holim ta’rifiga ojizdir zabon,
Endi gullamagay baxtu iqbolim.

Jismim qolgan faqat... Xissiz, bemajol,
Ruhim sening bilan Kavsarda hamroh.
Tegramda charx urar yagona hayol:
"Ro‘zi Mahshar bizga bo‘ladi panoh".

Men shunday o‘taman. Umidim - o‘lim.
Ruhan allaqachon o‘lib bo‘lganman.
Intihosi qachon bu umr yo‘lim?
Azoblardan xorib-tolib, to‘lganman.

Mas'ud

[Mas'ud]

Хаёл ичрa бир қиз соҳилдa,
Ўтирaди ҳиёл эгиб бош.
Нe сaбaбдир унинг кўзидa,
Кўринaди икки томчи ёш.

Нигоҳидa мaюс боқaди,
Илк муҳaббaт гулу ғунчaси.
"Нaҳот олдинг рaд жaвобини?
Йўқми энди ишқ дeбочaси?

Нaҳот энди кeлмaс бaҳорлaр
Орзулaринг тўкилди чил-чил?
Нaҳот энди очилмaс гуллaр?
Бошқa сeвмaс бўлдими, кўнгил?

Йўқ! Йиғлaмa, куюнмa қизчa,
Қaйғугa ҳaм aрзимaйди у...
Араз ўрнин босади шодлик,
Умид қилгин, қолмайди қайғу.

Сeвги ўзи нимaлигини,
Билмaс экaн ўшa "сeвгaнинг".
Aфсус қилaр, бўлaр пушaймон.
Қўмсaйди у биргa юргaнинг

Қaлбингдaги нозик бу ғунчa,
Очилaди мисли aтиргул.
Бахтингни, ҳам ишқингни сени
Куйлайди гул шохида булбул.

Яхши кунлaр ҳaли олдиндa,
Сeни кутaр нурли кeлaжaк.
Орзулaрин оппоқ ойдиндeк,
Умидлaринг рўё бўлaжaк...

Mas'ud...2002

[Mas'ud]

Қувончдaн кипригинг нaмлaнсa бeҳос,
Омaддaн ўзингни йўқотсaнг зумгa.
Эски дўстинг этaр биттa илтимос,
Эслaб тур дaрдлaргa тўлa ишқимни.

Бир ҳaводaн сeн-лa олгaним нaфaс,
Энг олий бaхт эди, фaроғaт эди.
Бугун хотирaлaр эслaтaр холос,
Эслaб тур дaрдлaргa тўлa ишқимни.

Муҳaббaт юрaккa бўлaрди дaлдa,
Муҳaббaт умидим эди ягонa.
Ёринггa изҳоринг этгaн мaҳaлдa,
Эслaб тур дaрдлaргa тўлa ишқимни.

Мaнa, йиллaр мeни қийнaр ёлғизлик,
Боқийгa сaфaрим кутяпмaн ҳaмон,
Қaчондир бўлгaндa ўғиллик, қизлик,
Эслaб тур дaрдлaргa тўлa ишқимни...

2006

Mas'ud

[Mas'ud]

Куз нафаси хаёл айлар паришон,
Бошимни чулғайди турфа сўроқлар.
Соғиниш хиссидан беради нишон,
Эриниб узилган хазон япроқлар.

Кўриниш бермайди, қийнайди дилим,
Парда ортидаги соғинч шарпаси.
Балки шу дақиқа топарман йўлим,
Балки ҳозир тўхтар юрак зарбаси.

Дарахтлар мен каби титрар нажотсиз,
Ва қуёш нуридан топишар илинж...
Мен-чи, умидсизман, кўнглим саботсиз,
Ёт бўлган туйғулар: қувонч ва севинч.

Тушунмам ўзимга; ўздамас ҳушим,
Тушимда ўнгимдек бўлиб қоламан.
Ва кейин қийналиб, тўлғаниб тунда,
Тушимда тўсатдан ўлиб қоламан...

Билмам... сабаб кузми ёки...ишқсизлик.
Дардимга бўлмайди ҳеч нарса малҳам.
Ўтиб ҳам бормоқда беқарор ёшлик,
Ҳамонки бахт учун ёқмадим бир шам...

...Эҳ, бу хаёл қурсин, нималар дедим?
Бунча тушкунликка солибман ўзим?
Балки қаердадир ўйланганча жим,
Кимдир қалб изҳорин пичирлар менга...

Хаёлим паришон кузнинг дастидан...

2006... Mas'ud

[dauphin]

Куз нафаси хаёл айлар паришон,
Бошимни чулғайди турфа сўроқлар.
Соғиниш хиссидан беради нишон,
Эриниб узилган хазон япроқлар.

Кўриниш бермайди, қийнайди дилим,
Парда ортидаги соғинч шарпаси.
Балки шу дақиқа топарман йўлим,
Балки ҳозир тўхтар юрак зарбаси.

Дарахтлар мен каби титрар нажотсиз,
Ва қуёш нуридан топишар илинж...
Мен-чи, умидсизман, кўнглим саботсиз,
Ёт бўлган туйғулар: қувонч ва севинч.

Тушунмам ўзимга; ўздамас ҳушим,
Тушимда ўнгимдек бўлиб қоламан.
Ва кейин қийналиб, тўлғаниб тунда,
Тушимда тўсатдан ўлиб қоламан...

Билмам... сабаб кузми ёки...ишқсизлик.
Дардимга бўлмайди ҳеч нарса малҳам.
Ўтиб ҳам бормоқда беқарор ёшлик,
Ҳамонки бахт учун ёқмадим бир шам...

...Эҳ, бу хаёл қурсин, нималар дедим?
Бунча тушкунликка солибман ўзим?
Балки қаердадир ўйланганча жим,
Кимдир қалб изҳорин пичирлар менга...

Хаёлим паришон кузнинг дастидан...

2006... Mas'ud

E qoyil, Masudaka bunaqa qobilyatiz borligini bilmas ekanman oldin. Ijodizga omad.

[Mas'ud]

Маюс термуламан; кузак шамоллар,
Хазонрезги баргни айлар чирпирак.
Чалкашиб кетади орзу-хаёллар,
Ва бирдан йиғлашни бошлайди фалак.

Олислаб боради қушлар жаранги,
Қалбимдек хирадир осмоннинг ранги,
Умримнинг бошланди яна бир тонги,
Субҳидам нафасин туймайди юрак.

Қайдадир чалинар “Чўл Ироқ” куйи,
Теграмда чарх урар келажак ўйи,
Барглар тўкилмоқда сарғайган куйи,
Дардини айтолмай жони минг ҳалак.

Шудрингдан намланар томларнинг ости,
Яшилни сариқлик уммони босди,
Сиқилиб кетибсан, сўйлагин ростин,
Қайларда бўзладинг, малласоч малак?

...Ҳисларим ҳазон-ла уйғун: бемажол,
Само қовоқ уяр, қуёш ҳам беҳол...
Йўқолиб бормоқда кўкдаги ҳилол,
Меҳрга ташнадир у ҳам мен каби...

Маюс термуламан кузак шамолга...

Mas'ud... 2006 yil

[Mas'ud]

Ёлғиз тунларимда ухламай чиқсам,
Тонгда қуёш кутиб, босса ҳаяжон.
Меҳримни кўз ёшдан битталаб йиқсам,
Юборгим келади сизга онажон!

Дилимда гапларим тпланиб қолган,
Ҳеч кимга айтмаган сирларим бисёр.
Хаттоки юрагим уришдан толган.
У сизга талпинар, мушфиқ онажон.

Бошимга кечалар ёстиқлар ботса,
Ишонган дўстларим сотсалар мени.
Саратонда ёшим киприкда қотса,
Дардлашгим келади сиз-ла, онажон.

Дунё ташвишидан тўлди бардошим,
Қўл силтаб барига, кетайми, дейман.
Тиззангизга қўйиб сўнг дардли бошим,
Ухлагим келади, мунис онажон.

Меҳрибон табассум ўзим ўнгида,
Ухласам қулоқда аллаларингиз.
Ҳар қачон дуоим бошу сўнггида,
Албатта, Сиз борсиз, азиз онажон.

Қалбингиз мисоли бир оҳанрабо,
Ўзингиз ўкдаги порлаган қуёш.
Овозингиз майин – саҳарги сабо,
Жудаям соғиндим, Сизни онажон

Mas'ud

[Fifi]

Ёлғиз тунларимда ухламай чиқсам,
Тонгда қуёш кутиб, босса ҳаяжон.
Меҳримни кўз ёшдан битталаб йиқсам,
Юборгим келади сизга онажон!

Дилимда гапларим тпланиб қолган,
Ҳеч кимга айтмаган сирларим бисёр.
Хаттоки юрагим уришдан толган.
У сизга талпинар, мушфиқ онажон.

Бошимга кечалар ёстиқлар ботса,
Ишонган дўстларим сотсалар мени.
Саратонда ёшим киприкда қотса,
Дардлашгим келади сиз-ла, онажон.

Дунё ташвишидан тўлди бардошим,
Қўл силаб барига, кетайми, дейман.
Тиззангизга қўйиб сўнг дардли бошим,
Ухлагим келади, мунис онажон.

Меҳрибон табассум ўзим ўнгида,
Ухласам қулоқда аллаларингиз.
Ҳар қачон дуоим бошу сўнггида,
Албатта, Сиз борсиз, азиз онажон.

Қалбингиз мисоли бир оҳанрабо,
Ўзингиз ўкдаги порлаган қуёш.
Овозингиз майин – саҳарги сабо,
Жудаям соғиндим, Сизни онажон

Mas'ud

Qo'l silab emas, qo'l siltab.
Ohangrabo, "g" tushib golibdimi.

[Mas'ud]

Qo'l silab emas, qo'l siltab.
Ohangrabo, "g" tushib golibdimi.

aha, "silab" emas "siltab" bo'aldi... tuzatish uchun rahmat...
"Ohangrabo" degan so'z, adashmasam, oz'bek tilida yo'q... "ohanrabo" shaklida qo'llaniladi...(Va albatta, bu so'zning o'zagu "ohang" so'zi emas...;)

P.S. bu threadni ko'rib hayron bo'ldim... tushunishimcha, moderatorlar boshqa Threadlardan she'rlarimni olishib, ushbu threadga jamlashgan ko'rinadi...