QARGISH

[Adiba]

xxxxx
USMON AZIMdan



Siz qargaysiz taqdiringizni,
Va aytasiz unga tashakkur,
"Biz yuq qildik bir-birimizni,
Biz yuq qildik, Hudoga shukr!"



Biroq izlab kelasiz bir kech,
Jilmayasiz,"Bahtlimanmi,boq?"
Kulgingizga yarashmagay hech,
Hitobingiz urtagan titroq.


Aldamaymiz bir-birimizni,
Tilda suzlar tugiladi, hur,
Qargamaysiz taqdiringizni,
Va aytmaysiz unga tashakkur...

[ASAD]

USMON AZIMdan

Qoshing qaro sening, ko'zlaring qaro,
Yuzlaring oq sening, kulishlaring oq.
Qo'lingdagi ta'na toshlaring qaro,
Menga g'amgin boqib turishlaring oq.

Unutishing qaro, hijroning qaro,
Sog'inching oppoqdir, xatlaring oppoq.
Mening ham, sening ham baxtimdir qaro,
O'ttiz to'rt yoshingda sochlaring oppoq.

......................................
Adiba, davomi esimdan chiqibdi, siz yozvoring :)

[ASAD]

Hello!
Davomi ham esga tushib qoldi, undan tashqari yuqorida xatoga ham yo'l qo'ygan ekanmiz. Xullas, she'rning to'la matni bunaqa:

GRAFIKA by USMON AZIM

Qoshing qaro sening, ko'zlaring qaro,
Yuzlaring oq sening, kulishlaring oq.
Qo'lingdagi ta'na toshlaring qaro,
Menga g'amgin boqib turishlaring oq.

Unutishing qaro, hijroning qaro,
Sog'inching oppoqdir, xatlaring oppoq.
Qarodir yurganing o'ch-mehr aro,
Menga tashlab ketgan dardlaring oppoq.

Shommi yo saharmi - vaqtimdir qaro,
Sen deb to'kayotgan yoshlarim oppoq.
Sening ham, mening ham baxtimdir qaro,
O'ttiz to'rt yoshingda sochlaring oppoq.

Ishon, yurak oqdir, qarodir taqdir,
Oq-qaro bo'yoqlar bizning bog'larda.
Men million bo'yoqni bilardim, axir,
Ikkimiz baxtiyor bo'lgan chog'larda.

Mana buni she'r deydilar, aziz she'rxonlar, mag'ziga tushunsangiz gar! :)

[Adiba]

Tumanlar qoplaydi, gardli havoni,
Yana yolgonchilik qiladi, aprel'
Men sening kelishing hech istamayman,
Biroq kel.

[ASAD]

Sevgimiz o'ldimi, libosingiz ko'k,
Ko'nglingiz begulxan, ko'zingiz becho'g'.
Mendan borish yo'qdir, sizdan kelish yo'q,
Kelishsiz dunyoda beg'am, azizam,
Nega ko'zlaringiz benam, azizam...

[Adiba]

Soginib ketdim sizni,
Sizni kurmadim minggg yil,
Dustim bir kelmaysizmi?
Bosgancha yengil-yengil..


Ayting dustim bu yulda,
Sizga kupmi tusiqlar?
Poyondoz tushab guldan ,
Aytilsinmi qushiqlar?

[Curious.]

Hey people do you actually remember what you learned when you were at school or you have book full of Uzbek poems which you just writing to this board I would like to know that.

Thanx beforeahead

-gds

Curious.

[O'zbek]

Curious, nima hohlasangiz hohlangku, lekin mening sizga maslahatim, ularga tan bering. Sherlarni yodda saqlash tugul, ba'zan kitobdan o'qishga erinaman garchan sherlarni yoqtirsam ham. Shubday ekan, bularga tan berish kerak.
Shunchalikda.
Carry on.

[ASAD]

ADIBAga:


Ishqingdan bokira nafas qoladi,
Dunyoga bir oydin qafas qoladi.
Hijrondan na ovoz, na sas qoladi,
Diydoringni ko'rib o'lsam roziman.

Dunyoda baxt - armon, muhabbat - armon,
Bu majnun vujudga faqat qalb sarbon.
Toshlarning to'shiga to'kilgan alvon,
Qonlarimni qo'msab so'ysang, roziman.

[Adiba]

Temirdanmi bu boshim tosh kurinur,
Yomgirlarmi kuzimdagi yosh kurinur,
Jonim ikki ut ichra talosh kurinur,
Sevgilim...

Muhabbat olovdir, muhabbat isyon,
Har kuni ming ulib, qolgum bir omon,
Bu holda qirqqa ham etishim gumon,
Sevgilim...

[Curious.]

So you actually remember all this poems MALADESEEEEEEE!!!!!!!!

OTANGA RAHMAT :) KEEP IT GOING!!!

-gds

[ASAD]

Seni eslayman, anov qo'shni ko'chada,
Menga olma otib ketib qolganing.
Seni topganimu, titroq'la tutgan,
Qo'limdagi alvon gulni olganing.

[Adiba]

Chiqmagan bu jondan umidlarim bor,
Soginchim yulingga gulday sochay yor,
Oshiqlar dardiga Olloh uzi yor,
Boshimga bolishlar botdi, sen kelmading,
Yurakka nolishlar botdi, sen kelmading...

[ASAD]

Tong chog'i tun bilan kunduz uchrashdi,
Tunda armon bilan yulduz uchrashdi.
Bahor bilan kuzak - baxtxush uchrashdi,
Toshlar uchrashdilar, biz uchrashmadik.

Bulut zamin bilan yig'lab uchrashdi,
Shamol kurtaklarni ilg'ab uchrashdi,
Visol hijron bilan minglab uchrashdi,
Yoshlar uchrashdilar, biz uchrashmadik.

[Adiba]

Bu kunlar kun emas, yonib turgan chug,
Har lahza qalbimga otilgan ming uq,
Ulimdan habar bor, sizdan habar yuq,
Mendan kechdingizmi, rostini ayting,
Chindan ketdingizmi, rostini ayting...

[ASAD]

Men ketdim, lek qaytgum, kutgil meni yor,
Jonim, albat senga uylanishim bor.
Chet elda o'qishni tugatib olay,
Ungacha sabrli bo'lib turgin yor.


;) :)

[Adiba]

Layliman, sahroda imkon topmadim,
Dardmand bu jonimga darmon topmadim,
Kulbamga sen kabi mehmon topmadim,
Boshimga bolishlar botdi, sen kelmading,
Yurakka nolishlar botdi, sen kelmading..

[ASAD]

Chorlasang bormasmi edim, gulyorim,
Shiddatdan ko'zimni og'ritib, yoshlab.
Ikkala kaftimda tutib bahorni,
Tishimda labingdek g'unchani tishlab.

O'rtada qir kabi yotar qirq fasl,
Kechib bo'larmidi qirqta anhorni.
Ammo seni o'ylab yashnayverar dil,
Men qayga qo'yay bu ulkan bahorni?!

:) ;) :)

[Adiba]

Sayyoddan chuchigan ohudek chuchib,
Kelmassan yoturman dardimni quchib,
Qaniydi borolsam qoshingga uchib,
Boshimga bolishlar botdi, sen kelmading,
Yurakka nolishlar botdi sen kelmading..

[Zamin]

Asad, alohida biita message ochib berish kerak sizlarga:)))))).Nima dedingiz????
Regards, Zamin

[Free_Uzbek]

Subject qayerda qolib ketdi...Yoki QARGISH deya qolib yana aytishuvni davom ettirayapsizlarmi?

Anyway, Gap bulishi mumkin emas

[ASAD]

Isming - shahristonni isitgan bayzo,
Aytsam, sen kelmaysan - bitmas karashma.
Oddiy bir hikmatni bilarmisan yo:
Shahar osmoniga oy ham yarashmas.

Men tokay yasharman uzimni quchib ,
Ovunib gardunning hiylosi bilan.
Chorlasang, borardim toyirdek uchib,
Qo'ynimda ko'klamning havosi bilan.

;)

[Adiba]

Ketdingmu, manguga tashlab,
Qoldimmu qaygularim-la,
Hijronning kuyini boshlab,
Yiglovchi cholgularim-la...

[ASAD]

Qanoti bo'lsa ham uchmas baliqlar,
Ismimni tutmasang, qushligim bekor,
Shijoat ummonning tubinda uxlar,
Men bilan qo'shilib qariydi bahor.

Bilaman, qismatim ko'zingdek qaro,
Meni chorlamassan, uchub bormasman.
Sen mening ismimni bilmassan hatto,
Sen o'zing bahorsan, menga zormassan!

[Adiba]

Sen meni ishontir qaygularingga,
Degilki, "sen uchun yaraldim illo!"
Atrofga bir qara yonar lolazor,
Kuzlarim tubida suratingmu, oh..

[ASAD]

Sen kulsang, gul sochilar,
Sen kelsang, dil ochilar.
Tirnog'ing ham gul sening,
Sen borsan, kuz qishim yo'q.

;)

[johny]

voy-dod :):):), qoyil-e

[Adiba]

Tun ortidan kun keladi,
Deb aldadilar, aldandim,
Suyganimga eta olmay,
Ishq joduga boylandim,
Ismingizni birmas ming bor,
Unutmoqqa choglandim,
Surati sirdoshim mening,
Uzingizsiz, uzingiz.

[ASAD]

Kipriklaring poyloqchi,
Kokillaring ayg'oqchi.
Hamsoyangman ham soyang,
Jismim boru hushim yo'q.

[Adiba]

Boglardagi gul eding, yorim,senga qulim etmadi,
Aksiga olib orzu va armonga qulim siltab ketmadim,
Sir bulib chorlading meni sen asta,
Kulding dunyo jarangga tuldi,
Yuksaklarda qolding, men esa pastda..

[ASAD]

O'zing mehrigiyosan,
Bir mehribon navosan.
Aytsam, yetmas nafasim,
Kuylasam tovushim yo'q.

Gul'uzorim, gultanim,
Yuzingda ishq gulxani.
Yaqinlashsam, kuydirma,
Sendan yaqin kishim yo'q.

[Adiba]

O'key ASAD, sizga shu uzim yashab turgan shaharni berdim!:)

[ASAD]

Ibe, Adiba, nega birdan shahar berib taslim bo'la qoldiz?! Davom ettirmaysizmi? Ayyayyay!
Kstati, siz yashab turgan shaharni siz u yerga kelmasingizdan yutib olgan edim. Alalkim, bizning mamlakatga xush keldingiz, Malika! :)

[Free_Uzbek]

Asadbek !!!
Malika emas Malikam deyishiz kerak edi.