Qachon tavba qilamiz?

[AbdurRahman]

Barcha hamdu sano Allohgadir. U Zotga hamd aytamiz, yordam berishini, gunohlarimizni kechirishni so’raymiz, nafslarimizning yovuzligidan, amallarimizning yomonligidan panoh tilaymiz.Alloh kimni hidoyat qilsa, uni hech kim adashtirolmas, kimni adashtirib qo’ysa, hech kim uni hidoyatga sololmas. Allohdan o’zga iloh yoq ekaniga guvohlik beraman, shuningdek yana guvohlik beramanki, Muhammad sallallahu ’alayhi vasallam uning bandasi va elchisidir.

Imom Bukhoriy va Imom Ahmadlar( Alloh ikkisini ham rahmatiga olsin) Abu Said Khudriyning bunday deganini rivoyat qilishgan: “Sizlar shunday amallarni qilyapsizlarki, ular nazaringizda qildan ham arzimas va maydadir. Holbuki, biz ularni Rasululloh(sallallahu ’alayhi vasallam) davrlarida halok qilguvchi amallardan hisoblardik”.

Ushbu hadisdan biz yashayotgan muhit naqadar xatarli ekani ma’lum bo’lmoqda. Chunki bugungi insonlar gunohlarni arzimas, kichgina sanamoqdalar yoki umuman e’tibor bermayaptilar. Ayrim kishilar, ming afsuski, gunohi kabiralarni ham yengil hisoblaydigan bo’lib qolganlar. Ba’zi birovlar esa, qilayotgan ishi gunoh ekanini bilmaydi, bilsa ham, vijdoni qiynalmaydi. Bu osiylar uchun eng katta ne’mat qilmishlariga nadomat chekishdir. Chunki u tavbaning eng asosiy shartlari va omillaridan biri sanaladi.

Darhaqiqat, Rasululloh(sallallahu ’alayhi va sallam), “Nadomat Tavbadir”, deya marhamat qilganlar. U osiylar gunoh ishlari bilan ulug’ fursatni qo’ldan chiqaryaptilar. Holbuki, bu fursat tavba qilish va kechirim so’rash fursatidir.

Loqaydlik va e’tiborsizlik insonni gunoh qilishga odatlantirib qo’yadi. Inson haromdan qaytish va afsus so’rash uchun berilgan ulkan fursatni gunoh ishlar bilan o’tkazib ham pinagini buzmaydigan bo’lib qoladi. Holbuki, Rasululloh(sallallahu ’alayhi va sallam) aytganlar:
“Chap tomon farishtasi xato qilgan musulmon bandadan qalamini olti soat ko’tarib turadi. Agar nadomat chekib, Allohdan gunohini kechirishini so’rasa yozmaydi”. (Tabaroniy rivoyati)

Shuning uchun musulmonga, agar xato qilsa, tuyaqushga o’xshab kallasini tuproqqa tiqib olmasdan, gunohini e’tirof etmog’i, nadomat chekmog’i vojib bo’ladi. Va u bilib turib qo’ysinki, gunohni kichik, arzimas deb sinash gunohkorga foyda bermaydi, uning jinoyatini engillatmaydi, aksincha ziyodalashtiradi, xolos. Chunki gunohni kichik sanash Alloh harom qilgan narsalarni pisand etmaslik, ularga engil qarashlikdir. Bu boradagi eng to’gri yo’l esa, nadomat va tavbadir. Toki, musulmon Alloh subhonahu va taoloning rahmatiga doxil bo’lsin, tog’ri yolga yollansin va nafsini do’zax azobidan qutqarsin.

Xo'sh tavbaning shartlari, hukmlari nimalar?? Ushbu mavzuda shu narsalar haqida eslab o'tsak.

Alloh tabaroka va taoloning go’zal ismlari, oliy sifatlari haqqi, tavbalarimizni qabul etmog’ini, ushbu eslatmalarni kamina va barcha musulmonlarga manfaatli qilmog’ini hamda uning ajrini farzand va molu dunyo foyda bermaydigan, faqat Alloh huzuriga sog’lom qalb bilan borgan kishigina najot topadigan kunda – Qiyomat kunida bermog’ini so’rayman.

Allohning bandasi va elchisi payg’ambarimiz Muhammadga salovot va salomlar bo’lsin. Oxirgi duoimiz – hamdu sano olamlar Parvardigori Allohgadir.

"Islom Sof Holida" jurnalinng 1-sonidan olindi.

[B.TURKISTANI]

Alloh ikki dunyomizni saodatli qilib, bizni yuqoridagi keltirilgan ibratli maqolaga amal qiladigan fayzli bandalar qatordan qilishini yana duolarimizda talab qilib qolamiz inshaallah.

[Borz_man]

Tovba shartlaridan:
Allohdan qilgan gunohiga istigfor aytishlik.
Avsus va nadomatda bo'lishlik.
Gunohda davomiy bo'lmasdan uni tark qilishlik.

[johnny_80]

Tovba shartlaridan:
Allohdan qilgan gunohiga istigfor aytishlik.
Avsus va nadomatda bo'lishlik.
Gunohda davomiy bo'lmasdan uni tark qilishlik.


Agar gunoh insonlarning haqlariga bog'liq bo'lsa toki o'sha inson kechirmaguncha Alloh bu gunohni kechirmaydi..

[Prince]

Allohdan qilgan gunohiga istigfor aytishlik.

Istigfor - nima!? :rolleyes:

Oldindan raxmat

[AbdurRahman]

Rasululloh(sallallahu ’alayhi va sallam) bunday ogohlantirganlar:
“Gunohlarni haqir, arzimas bilishdan ehtiyot bo’linglar. Gunohlarni arzimas bilish vodiy o’rtasiga tushgan bir qawmning ishiga o’xshaydi. Bir kishi o’tin tushgan bir qawmning ishiga o’xshaydi. Bir kishi o’tin keltiradi, keyin boshqasi ham olib keladi. Hatto nonlarini pishirishga etadigan narsa (o’tin) ni to’playdilar. Albatta, gunohlarni kichik sanash qachon sohibini tutsa, uni halok etadi”.(Imom Ahmad rivoyati).

Yana marhamat qilib aytganlarki:
“Gunohlarni haqir, arzimas qarashdan ehtiyot bo’linglar. Zero, gunohlar bir kishida to’plansa, uni halok qiladi. Bu narsa sahrodagi kishilarning ahvoliga o’xshaydiki, ular ozuqasini hozirlagan edilar. Bir kishi o’tin olib kela boshladi. Bir talay o’tin to’plangach, o’t yoqdilar. Natijada u erdagi narsa (ozuqa) ni kuydirib qo’ydilar” (Buxoriy Rivoyati)

Gunohga emas osiylik qilayotganing Buyuk Zotning ulug’ligiga qaraylik!
Ayrim gunohlar borki, ularni ko’pchilik kichkina deb biladi, holbuki, ular nasdida ulkan gunohlardandir. Ko’plar bu gunohlarni qilayotgan odamlarni ko’rib (Alloh saqlasin), ulardan saqlanishga engiltaklik bilan qaraydilar, ularni kichik gunoh deb o’ylaydilar. Bu haqda yuqorida Abu Said Xudriyning (ra) rivoyati keltirildi. U zot aytgan edi: “Sizlar shunday amallar qilyapsizlarki, ular nazaringizda qildan ham arzimas va maydadir. Holbuki, biz u amallarni Rasululloh(sallallahu ’alayhi va sallam) davrlarida halok qiluvchi amallardan deb hisoblardik”

[AbdurRahman]

Gunohlarni oshkor qilishdan va yolg’iz holatda o’zini tiyolmay qolishdan ehtiyot bo’laylik. Alloh bizning sirlarimizni ham, oshkora ishlarimizni ham biladi. Alloh har bir narsani bilguvchi zotdir.

Alloh menga ham, sizga ham rahm qilsin, ey birodarim, tavbani kechirishdan va uni orqaga surishdan saqlanaylik. Axir, qachon kunimiz bitishini bilmaymiz-ku! Balki ajalimiz biz o’ylagandan ko’ra yaqinroqdir, balki u to’satdan kelib qolar. Holbuki, g’arg’ara paytidagi, ya’ni jon bo’g’izga tiqilgan paytdagi tavba qabul qilinmaydi. Rasululloj(sallallahu ’alayhi va sallam) aytadilar:
“Modomiki, jon bo’g’ziga tiqilmagan ekan, Alloh taolo bandalarning tavbasini, albatta, qabul qiladi” (Ahmad va Termiziy rivoyatlari)

Xullas, har bir gunoh uchun mag’firat so’raylik, tavba qilishga shoshilaylik, uni orqaga tashlamaylik.

[Shokirbek]

Istigfor - nima!? :rolleyes:

Oldindan raxmat

Istig'for - gunohni kechishni Allohdan so'rash, mag'firat talab qilish..

[Patriot.Uz]

Assalomu alaykum!

Birodarlar, yana shuni esdan chiqarmaylikki, yashirin gunohlarimizni o'zimiz oshkor qilmaylik! Kimdir zino qiladi, aroqxo'rlik qiladida(O'zi asrasin!), ertasi kuni oshnasiga: "E, kecha rosa kayf qilibmiz, rosa ichibmiz"- deb maqtanadi Bundan battar axmoqgarchilik yo'q!!! Alloh s.w.t qilgan gunohimizni sir saqladi, oshkor qilmadi! O'zimiz oshkor qilmaylik!
Yana bir maslahatim, Muhammad mustafo sallallohu alayhi wassalamga ko'p salovot ayting! Alloh azza wa jalla bir sudxo'rni ko'p salovot aytgani uchun, Rasululloh s.a.w xurmatlari, gunoxini kechirgan ekan. Allohu Akbar!!!