Men istamagan tush

[Noma'lum shoira]

Quyidagi she'r "Noma'lum shoira" tomonidan eski LBga 1999 yil, Oktabr oyining 4-kinida post qilingan


MEN ISTAMAGAN TUSH

Shoshmang, bir daqiqa kuting, ketmangiz,
Sizga aytar bo'lgan so'zlarim bordir!
Ustimdan kulsangiz kuling mayliga,
Sizga atab yozgan she'rlarim bordir!

Siz-chun she'r yozaman anchadan beri,
Gohida ma'noli, gohida sayoz.
Necha bor jo'natmoqchi bo'lganman, ammo,
Hadik she'rlarimni o'qigan halos.

Mana ko'ring, bunda hamma she'rim jam,
Sog'inch-u, talpinish bunda mujassam.
Siz uzoq shaharda bo'lgan yillar-chun,
O'rin olgan bundan hijron, o'kinch, g'am.

"Tanimadim" deysizmi? Nahot? Men o'sha,
Sizga ko'p marta mulzam edirgan qizcha.
Maktab. Sovuq qish. Qor bilan urgan kuningiz,
Uyingizga borib "chaqqan tirrancha".

Esimda, keyin ancha quvlab yurgansiz,
Gaplashmoqchi bo'lib men bilan boplab.
Ammo ustakorroq edim, eplolmay,
Bo'lgansiz meni deb "besh-battar" hunob.

Yillar o'tdi, endi sahna boshqacha,
Endi men quvlayman, siz esa ufqda.
Lek, qancha urinmay, qadam siljimas,
Oyoqlarim go'yo mihlangan puhta.

Nimalar deyapman?!!! To'htang! Uyg'onmoq
Istayman. Kechar bu hammasi tushda.
Sizga so'z qotmoqlik menga yo'l bo'lsin,
Siz juda balandda, "biz" esa pastda.


Copy/Paste by Puppy

[jehan]

salom, Ms Incognito here is a irrelevant RE to your poem :), I do not know, but it makes lots of sence when you go deeper into it. enjoy it it is really ALisher Navoi

Qoshi yosinmu deyin, ku'zi qarosinmu deyin?
Ku'ngluma har birining dardu balosinmu deyin?

Ku'zi qahrinmu deyin, kiprigi zahrinmu deyin,
Bu kudurat ora ruxsori safosinmu deyin?


Ishq dardinmu deyin, kim hajr zahrinmu deyin,
Bu qatiq dardlar aro vasli davosinmu deyin?

Zulfi dominmu deyin, la'li kalominmu deyin,
Birining qaydi yana birning adosinmu deyin?

Turfa xolinmu deyin, qaddi niholinmu deyin,
Moviy ku'nglak uza gulrang qabosinmu deyin?

Charx ranjinmu deyin, dahr shikanjinmu deyin,
Jonima har birining jabru jafosinmu deyin?

Ey Navoiy, dema qoshu ku'zining vasfini et,
Qoshi yosinmu deyin, ku'zi qarosinmu deyin?

[Adiba]

"Men ismagan tush" guzal she'r ekan.

[Forrest]

Sweet:)