мастура қизлар

[Sirius_s]

Мастура қизлар

05.07.2007 г.
Мусулмон хотин-қизлар европаликлардан кўра кечроқ қариши ҳақида
21(23)-сон (05/07/2007)

Ишхонамда ўтиргандим. Яқиндагина оила аъзоларим билан тушган расмларимни олган суратчи танишим келиб қолди. Кўлимга қоғоз жилд тутқазди. Ҳамма каби дарҳол расмларга кўз югуртира бошладим. Мен, рафиқам, ўғлим — бир оила бўлиб тушган расмимизни алоҳида ажратиб олиб стол устига қўйдим. Суратчи кетишга изн сўради. Уни кузатгач бошқа ишларга чалғиб, расмлар стол устида қолиб кетганини пайқамабман. Уларни ҳеч ким кўришини хоҳламасдим. Сабаби... Сабабини бироздан сўнг билиб оласиз.

Хуллас, мен ўтирган хонага бир жамоамизда ишлайдиган аёл кирди. Стол устида турган расмларга кўзи тушиб, битта кўрсам майлими, деди. Йўқ, дейишга иймандим.

- Ие, хотинингиз ҳижобга кирдими?

Бу саволни кутган эдим.

- Йўқ, у фақат маҳрам ерларини беркитяпти, холос.

- Ҳа, ҳижоб-да, шу, - кулимсиради суҳбатдошим.

Унга қадалган нигоҳларимдан нима демоқчи бўлганимни тушунганди. Хўш, ҳижоб бўлса нима бўпти!?

- Биласизми, ўзи менам намоз ўқиган пайтларимда рўмол ўрайман. Аслида аёлнинг кўрки шунда. Бироқ, биласиз-у, бизнинг ишимизда бунақа юриб бўлмайди. Одамлар «рисовка» қиляпти, деб ўйлашади.

Аёлнинг ўзини оқлаш учун айтган гаплари суҳбатимиз мавзусига айланди. Нега аёллар ўраниб юриши кераклигидан тортиб, тасаттурли жувонларнинг териси қуёшнинг зарарли нурларидан ҳимояланиши боис, мусулмон хотин-қизлар европаликлардан кўра кечроқ қариши, ҳатто қариганда ҳам терисининг силлиқ колишини аниқлаган олимларнинг тадқиқотларига бориб тақалди. Суҳбатдошимнинг охирги гаплари менга таъсир қилди.

- Менинг бир танишим бор эди. Турмушга чиққанидан кейин ҳам, очиқ-сочиқ кийимлар кияр, айниқса олд ёқаси кенг кийимлар кийиб зиёфатларга ҳам борарди. Эрининг, «кўкрагингни ёпиб юр», деган танбеҳига, «мен қиз боламидим, нима бўпти», деб қўяқоларди. Орадан ҳеч қанча фурсат ўтмай, ўша аёл Аллоҳнинг қаҳрига учради. Яратганнинг ҳукмига итоат этмагани учун айнан кўз-кўз қилмоқчи бўлган жойида ўсма пайдо бўлиб сут бези саратонига йўлиқди...

Бу гапларда жон бор эди. Лекин, минг афсуски, менга бу ҳикояни сўзлаб берган, хайрлашиб хонани тарк этаётган аёлнинг боши очиқ, сочи турмакланган эди...

Ишхонамизда аёллар кўпчиликни ташкил этади. Шу боис, ҳар тўрт мулоқотнинг учтаси мажбуран аёл билан ўтади. Мени йўқлаган навбатдаги ҳамкасабам ҳам кира солиб, ўша расмларга ташланди.

- Вой, хотининг ҳижобдами? Қачон кирди? Намоз ҳам ўқияптими? Йўғ-е! Бўлиши мумкинмас!

Буниси ошиб тушди. Нега ярим яланғоч аёлнинг суратини кўрган кўз ҳайрон бўлмайди-ю, эрининг номусини ҳимоя қилаётган, уни «даюс» деган тавқи лаънатдан асраб қолаётган, энг асосийси Яратганнинг ФАРЗини адо этаётган аёлни кўриб ҳайратимиз ошади? Нега? Нега аслида ҳар бир аёл шундай юриши, бунақа қиёфа одатий ҳолга айланиши зарур бўла туриб, том маънода иффатли, ҳаёли мўъминалардан шубҳаланамиз? Нега энди атрофдан билдирилаётган салбий фикрлар, учраётган тўсиқлару тазйиқлардан зада бўлган ожиза, очиқ ойдин эмас, балки замонавий кийимлар воситасида, «ҳеч кимга сездирмай» ўраниши керак? Қачонгача, аёлингиз ҳижобдами, деган саволга эркаклар ошкора, «ҳа» дейишдан хавотирланади? Ахир одамнинг ўз динига амал қилиш эркинлиги ҳатто конституциямизда ҳам белгилаб қўйилган-ку!

Гоҳида қулоққа чалинади. Фалончи рўмол ўрагани учун, ота-онаси уни ҳайдаворибди. Пистончи ҳижобга киргани учун, қариндошлари ундан юз ўгирибди... Бундай воқеалар шахсан ўзимнинг ҳам бошимдан ўтган. Бир пайтлар ҳамма қатори юрган рафиқам қариндошларининг уйига, тўй-маъракасига рўмолида кириб борса, «ким сени бунга мажбур қилди, эрингми?»- деб сўровчилар ҳам бўлди. «Ҳали ёшсан, ҳў 60-70 ларга киргандан кейин ҳам ўрансанг бўлаверади» дегувчи «ҳожи оналар» ҳам топилди... Мени эса, бир нарса хурсанд қилади. Биз рафиқам билан ўзимиз туғилиб ўсган жойдан йироқда турамиз. Ёзда меҳнат таътили олсам бир ойга бориб маза қилиб айланиб келамиз, деган таклифимга ундан кутилмаган жавобни олдим. Мен ёзда у ёққа бормайман. Ҳозир-ку амаллаб, ҳавони баҳона қилиб ўраниб юрсам бўлади. Лекин ёзда енги, этаги узун кўйлагу рўмолда юрсам, ҳар кўрган бир турткилайди. Сизнинг ҳам тинчингизни бузишади...

Кўз ёшларимни зўрға тутдим. Аллоҳ, ўзингга шукр! Бир пайтлар мен етиш мушкул деб ҳисоблаган манзилни яқинлатдинг! Банданинг қўлидан келмайдиган иш ўзингга осон! Қудратингга шубҳа йўқ, ҳидоят фақат ва фақат ўзингдан! Иймонда бардавом қил!

Дунё — охиратга элтувчи йўл. Эгамнинг олдига бориш учун бир оз вақт туриладиган кутиш жойи. Табиийки, кутиш жойида худди абадий қоладигандек жойлашиб эмас, омонатгина ўтирилади. Чунки охирги манзил бу ер эмас. Шундай экан, ғафлатда қолган инсонлар ҳар ишда дунёни, иймон соҳиблари эса охиратни кўзлайдилар. Бу дунёда ўзларини кўз-кўз қилиб, кийинишда бегона эътиқод вакилаларига тақлид қилаётган аёллар билиб қўйишсин! Кимки бошқа бир қавмга ўзини ўхшатса, у ўша қавмдандир (Ҳадиси шариф).

Яна бир гап. Аллоҳ назарида аврат ерларини тўла беркитмаган ва аврат нималигиниям билмай ярим яланғоч юрган аёлнинг ҳар иккиси яп-яланғоч ҳукмида бўлади ва бундайларнинг эрлари даюсдир! Оғир гап. Лекин ҳақ гап...

Ҳамза Жумаев

http://www.odamlar.uz/index.php?option=com_content&task=view&id=177&Itemid=32

[Sirius_s]

Ҳижоб ибодатдир, урф-одат эмас!

Эй муслима аёл, унутманг, дин душманлари доимо ҳижобни инсонларга бузиб кўрсатишга уриниб келган. Уларнинг даъволарича, ҳижоб аёлларнинг ижтимоий қолоқлигига сабаб бўлармиш! Яна улар «ҳижоб аёлларни оёқости қилади, ҳурматини поймол этади», деган аҳмоқона фикрларни тарқата бошлашди. Улар бу ишлари билан аёлларга ҳижоб ўраб юриш ўрнига очилиб-сочилиб, ясаниб, юзларини ҳаммага кўрсатиб юришлари кераклигини уқтирмоқчи бўлишади. Уларнинг бу каби ҳаракатлари ўз таъсирини кўрсатмай қолмаяпти, албатта. Аслида улар – баъзи соддадил аёллар ўйлаётганларидек – бундай ташвиқотларини аёллар фойдасини кўзлаганларидан келиб чиқиб қилмайдилар. Аксинча, уларнинг мақсадлари аёл зотини бузиш, унинг ҳаёти ва иффатини оёқ йўқ қилишдан бошқа нарса эмас. Афсуски, улар кўзлаган мақсадларига кўзга кўринарли даражада эришмоқдалар.
Шунинг учун – эй муслима синглим – бу каби шайтоний сўзларга алданиб қолишдан ҳазир бўлинг! Доимо ҳижоб фаризасини маҳкам ушлаб, ўз динингиз билан азиз бўлиб юринг.
«Ҳолбуки, куч-қудрат – азизлик Аллоҳники, Унинг Пайғамбариники ва мўминларникидир». (Мунофиқун: 8)
Бундай чақириқларга эътибор бермасдан, ҳижоб энг аввало Аллоҳга ибодат, Расулига итоат эканини, хоҳласа қилиб, хоҳламаганда ташлаб қўйса бўлаверадиган мубоҳ иш эмас, балки бу аёл кишининг иффати, ҳаёси ва поклигидан нишона эканини ҳамда ҳижоб кофирларнинг бу ҳақдаги аҳмоқона даъволаридан анча олий бўлган фазилат эканини қатъий равишда қалбингизга тугиб олинг!
Эй муслима аёл, Аллоҳ таоло сизни бадан ва аъзоларингизни бегона эркаклардан тўсиб пок бўлишингиз учун ҳижоб ўрашга буюрган. Бу билан (яъни, ҳижоб ўраш билан) сиз бошқалар тарафидан сизнинг иззат-нафсингизга тегадиган гапларнинг айтилишини олдини олган бўласиз.
Аллоҳ таоло сиз учун олийлик ва улуғворликни хоҳлаб сизни ҳижоб ўрашга буюргандир. Ҳижоб ўраш сиз учун машаққат эмас, шараф бўлиши керак. Чунки сиз бу ишингиз билан Оламлар Парвардигорига бўйсуняпсиз. Ҳижоб сиз учун мукаммал сифат ва чиройли зийнат бўлибгина қолмай, комил иймонли, ҳушхулқли, одобли, иффатли ҳамда ҳаёли эканингиздан далолат ҳамдир. Бу билан сиз ахлоқсиз ва бузуқ аёллардан ажралиб турасиз.
Эй муслима аёл, ҳижобга эътиборсизлик қилишдан ва унга салбий муносабатда бўлишдан эҳтиёт бўлинг! Сизни ишонтириб айтаманки, қайси бир аёл Аллоҳнинг ғазаби ва азобига дучор бўлган бўлса, бунинг ягона сабаби Аллоҳнинг ҳукмларини писанд қилмаслиги ва уни ёмон кўриши бўлган. Зеро, ҳижобга эътиборсизлик қилиш Аллоҳнинг буйруқларини писанд қилмасликдан бошқа нарса эмас. Шунингдек, Аллоҳ таолонинг буйруғига «лаббай», деб жавоб бериб, ҳижоб ўраб, мана шу нарсада мустаҳкам турган аёл борки, Аллоҳ таолонинг розилигига, У Зот ҳузуридаги буюк ажр-мукофотларга эришмай қолмайди.
Manba
http://islamnuri.com

[Sirius_s]

Баъзи эркакларга бир оғиз сўз

Кўпчилик муслима аёлларнинг ясан-тусан бобида ҳатто динсиз аёллар хавас қиладиган даражада илгарилаб кетишида эркакларнинг ҳам ҳиссалари кам эмас. Чунки, аёлларнинг бу даражада ўзгариб кетишларига ягона сабаб эркакларнинг ўз аёлларига нисбатан эътиборсизлиги, совуққонлиги, уларни бегона эркаклардан қизғаниш керак деган нарсани аллақачон унутиб, муқаддас динларини писанд қилмай, эркаклик ғурурларини йўқотиб қўйганлари ҳамда билиб туриб уларни бундай ҳаёсизликлардан қайтармаётганларидир.
Афсуски, баъзи эркакларда фақат «эркак» деган ном қолган, холос. Ўз қадрларини билмайдиган, қўл остидагиларни муҳофаза қила олмайдиган ва Аллоҳнинг омонати бўлган аёлларни чиройли бошқара олмайдиган бундай эркакларнинг ҳолига вой бўлсин!
Расулуллоҳ соллаллоҳу алайҳи ва саллам айтганлар:
«Аллоҳ таоло бирор раъийят устига бош қилиб қўйган қайси бир бошлиқ ўз қўл остидагиларга нисбатан эътиборсиз бўлган ҳолда вафот этар экан, Аллоҳ унга жаннатни ҳаром қилур».
Эй, эркаклар, сизлар ўз раъийятингизга етарлича эътибор бермадингиз, омонатни зое қилдингиз, хатарли ишга қўл урдингиз. Сизлар фақат ўзларингизни ҳалок қилмоқдасизлар. Лекин буни сира сезмаяпсизлар. Тўғрироғи тушунишни хоҳламаяпсизлар. Ахир ақлларингизни ишлатмайсизларми?! Шояд шунда Парвардигорингизга тавба қилиб, устингизда омонат бўлган аёлларингизни муҳофаза қилсангиз!

Manba
http://islamnuri.com

[Sirius_s]

Мусулмонлар оламида ўтган уламоларнинг энг улуғларидан, гап санъатининг султонларидан бўлган Али Тантови раҳматуллоҳи-алайҳнинг «Эй, қизчам» деб номланган китоби бор. Ўз қизларига, қизлари воситасида эса бошқа қизларга насиҳат қилганлар. Лекин энди буни ўша қизларнинг турмуш ўртоқлари, оталари эшитишса, ҳеч зарар қилмайди.

Эй қизим, мен эллик йил умр кўрдим, – дейди Хазрат Али Тантови. – Ҳа, ёшим элликка кирди. Дунёдаги жуда кўп мамлакатларни кезиб чиққанман, яхши-ёмонларни кўп кўрдим. Яхши-ёмон ишларни тажрибамда синаб кўрганман. Мен бу гапларни эллик йиллик тажрибамдан, яхши-ёмонни кўрганлигим, шунча шаҳарларни кезганлигимдан келиб чиқиб гапиряпман, насиҳат қиляпман.



Одамларда ислоҳ қиламиз, одамларни тузатамиз деб маърузалар қилдик. Китоблар ёздик. Гапиравериб тилларимиз чарчади, ёзавериб қаламларимиз. Биз одамларни тузатамиз десак, одамларнинг бузилиши кўпайиб кетяпти. Фасоднинг доираси кенгайиб бир шаҳардан иккинчи шаҳарга қараб чўзилиб кетяпти. Худо манъ этган, ҳаром деб айтган иш бутун дунёга ёйилиб кетяпти. Жаннатнинг эшиги турганда, ўзларини дўзахнинг эшигига қараб уряпти одамлар.

Кўкрак очиқлик, бош яланғочлик, беҳаёлик, сатри авратнинг йўқлиги аёлларнинг ичида бир шаҳардан иккинчи шаҳарга қараб чўзилиб кетяпти. Ҳатто бошидан оёғигача, бутун баданини ёпиб юрадиган, паранжилилари бор ислом давлати – Сурия давлатининг аёллари ҳам кўчага кўкраги очиқ ҳолатда, боши очиқ ҳолатда чиқиб кетяпти. Шунча гапириб, муваффақиятга эриша олмадик, нажот тополмадик ҳам. Муваффақиятга эришамиз деб, умид ҳам қилолмайман. Нимага, биласанми? Сабаби шуки, шунча насиҳатлар, шунча даъватлар қилибмиз-у, одамларни тузатамиз дебмиз-у, одамларни тузатадиган жойнинг эшиги қаердалигини билмаган эканмиз. Эшиги қолиб, биз деразадан кириб юраверган эканмиз. Одамларни тузатадиган йўл қаерда? Ҳалиги, айтилган эшиги қаерда? Эшикнинг калити кимнинг қўлида? Биз билмас эканмиз буни. Охири билдикки, одамларни тузатадиган эшик у аёл киши экан. Одамларни тузатадиган эшикнинг калити аёлларнинг қўлида экан. Шу нарсага энди иймоним комил бўлди. Минг афсуски, бу нарсаларни умрим охирлаганда билдим.

Гуноҳ жуда ҳам катта йўл. Бу катта йўлга биринчи қадамни эркак киши қўяди. Аёл киши бу йўлга қадамни биринчи бўлиб қўймайди, яъни эркак киши бўлмаса аёл киши бузилмайди, бузила олмайди. Илк қадамни эркак киши қўйиши рост, эй қизим, аммо сенинг розилигинг бўлмаганда у бу қадамни қўя олмас эди, - дейди у. – Сени мулойимлигинг бўлмаганда, эркак киши дағаллик қила олмас эди. Сен унга эшикни очиб, баайни ўғри-қароқчига эшикни очиб, марҳабо, келсинлар, мана уйимиз, ташриф буюринг дегансан. Ўғри кириб, бутун борлигингни, уйингдаги бор ашё, асбоб-ускунани ўғирлаб чиқиб кетганидан кейин кўчага чиқиб олиб «войдод, одамлар, уйимни ўғри урди» деб бақирган одамсан. Уйингни ўғирлаб кетган ўғри чиқиб кетганидан кейин, агар кўчага чиқиб дод солсанг, ўғрини топиш мумкин. Ўғирлаб кетган матоҳларингни, агар сотиб юбормаган бўлса, топиш мумкин. Аммо сенинг ор-номусингни ўғирлаганларидан кейин, ўғрини отанг топиб келса ҳам, аммо ўғирланган ор-номусингни топиб келиб бўлмайди.

Бўрига қаршисида турган қўйнинг чиройли териси ҳам, мароқли маъраб бериши ҳам керак эмас. Ширингина бир-икки кило гўшти керак. Сенга рўбарў бўлган бегона эркак учун ҳам сенинг чиройли хулқ-одобинг керак эмас. Кийган чиройли ламбада кўйлагинг ҳам керак эмас. У бутун ҳаётингда сенга шараф бериб турган, фахринг, зийнатинг бўлиб турган ҳаётингни, ору номусингни талаб қилади. У кутилмаганда қўйга ёпирилган бўри олиб келаётган мусибатдан кўра ёмонроқ мусибатни талаб қилади. Сени номусинг қўйнинг бир-икки кило гўштидак нарса эмас. Ор-номусингнинг қиймати шунақанги юқори нарсаки, агар поймол бўладиган бўлса, қиёматгача наслингнинг ҳаммасига таъсир қилади. Ана шундай баҳодаги нарсани сўрайди. Сен атрофингда айланишиб қолган бегона эркакларнинг «сизнинг чиройли гапиришингиз мени адо қилмоқда», «мен сизнинг хулқ-одобингиз гадосиман», «менга сизнинг ору номусингиз керак эмас», деган гапларига ишоняпсанми, шу гапларга алданяпсанми? Аллоҳга қасамки, бегона эркак бегона аёлни кўрганда, хаёлан унинг кийимларини ечиб ташлаб, уни яланғоч тасаввур қилиб кўрмаса, келиб менинг юзимга туфлагин. Ҳар бир бегона эркакнинг «сизни дўстона яхши кўрамиз» деган гапларига учдингми? Сен бу гапларга алданмагин. Бегона эркакларнинг хилват, қоронғу жойларда, аёл кишилар бўлмаган давраларда аёллар тўғрисида гапирган беъмани, беҳаё гапларини эшитганингда, уларнинг бетларига туфлаган бўлардинг. Улар аёлни қанча пулга гаплашганларини, қанча пулга обрўсини, ору номусини поймол қилганликларини мақтаниб гапириб ўтирганларини эшитганингда сен ҳам уларга бор нафратингни изҳор қилган бўлардинг.

Эй, қизим, - дейди, - бу жамият шунақанги жамиятки, инсоният шунақанги инсониятки, зино, ҳаром иш, очиқ-сочиқлик олиб борувчи номуссизлик шунақанги доғ бўлиб тушадики, сени гуноҳга, зинога даъват қилган, сенинг ору номусингга тегиб олдингдан чиқиб кетганидан кейин эркакнинг ҳалиги гуноҳлари эсидан чиқиб, кўчада хотиржам юрган вақтида, гуноҳнинг орқасидан келган расволиклар умр бўйи сенинг қаддингни букиб туради. Бу жамият, инсоният гуноҳга бошлаган эркакни эртага кечириб юборади, «ҳа, энди йигитчиликда бўлган-да», - дейди. Лекин қиз боланикини кечирмайди. Ёшинг бир жойга бориб, кексайиб, тавба-тазарру қилган ва, худо кечирган бўлса ҳам булар сени бари-бир кечирмайди. Бузуқ аёл деган тамға бир умрга тушади пешонангга. Аёлники ёмонроқ бўлади. Аёл кишининг ор-номусига бир нарса бўлса, бутун авлоди, бутун насл-насабига доғ тушади. У доғни кейин ҳеч ким покиза этолмайди.

Шунинг учун мен аёлларга насиҳат қилаётганимда, насиҳатнинг биринчисини Худодан қўрқинглар деб бошлардим. Ҳамма ишнинг аввали худодан қўрқишдир. Худодан қўрққани яхши одамнинг. Қороғида, ҳеч ким бўлмаса ҳам зино қилмаяпти-ку. Ҳеч нарса монелик қилмаяпти унга, ҳеч ким кўрмаяпти ҳам, фақат худодан қўрқиш уни тўхтатиб турибди. Худодан қўрққанлиги учун у одам, буни тушунмаса ҳам, билмаса ҳам, ёлғон гапирмаяпти-ку. Худодан қўрққанлиги учун бозорда қасам ичмаяпти. Худодан қўрққанлиги учун ароқ ичмаяпти, худодан қўрққанлиги учун, ҳеч ким кўрмасаям ота-отасини ҳурмат қиляпти. Нимага? Чунки худода қўрққанлигидан қиляпти шуни. Шу сабабли насиҳатимни, эй, қизларим, худодан қўрқинглар деб бошлар эдим.

Инсон ўзи шунақа, табиати қизиқ: охиратдан гапирсам, охиратнинг гапи таъсир қилмайди унга. Кўпроқ ўз кўзи билан кўрган нарсалардан таъсирланадилар. Уларга иккинчи гапирадиган гапим – касаллик. Уларни касаллик билан қўрқитган бўлардим. Бу ёмон ишнинг, зинонинг оқибатида ёмон дардлар бор, тузалмас касалликлар бор дердим. Агар буни ҳам тушунмасалар, уларга айтардимки, эй қизим, дунёда ҳеч бир нарса абадий, бардавом турмаганидек, сени бу гўзаллигинг ҳам бардавом эмас. Одамларни ўзига жалб қилиб турган бу гўзалликлар, юзингдаги чиройли терилар бир кун келиб ғадир-будур бўлиб, ҳайдалган ерга ўхшаб кетишлари бор. Бир ҳовуч буғдойни ташласанг ҳаммаси унга жо бўлиб, ерга тушмайдиган бўлиб кетишлари бор. Ҳар хил рангга бўяб юрилган бу сочларнинг эшак думига ўхшаб кетишлари бор ҳали. Ҳеч бир нарсада камолот бардавом турмайди. Қуёш ҳам чиқиб дастлаб камол топади, сўнгра бари бир заволга қараб кетади. Ҳар бир нарсанинг заволи бор. Сенинг ҳуснинг ҳам абадий эмас. Атрофингда юрган бу зотлар ҳозирча ҳусну жамолингга ишқивоз бўлсалар, сендан ҳусн-жамол юз ўгирганда, улар ҳам бошқа тарафга юз ўгириб кетадилар, сен ўртада, аросатда қолиб кетасан. Қариганингда ғам-ташвишингни ким ейди, ким қайғуради сенга? Ҳаром-хариш йўлларга қадам ташлаганингда атрофимда парвона бўлганлар дерсан, балки. Ҳеч ким ғам-ташвишингни қилмайди. Афсус ва надомат ўтида қовриласан ва кўрасанки, бошқа қариган кампир, аёлларнинг ғам-ташвишини фарзандлари, неваралари ейди. Ўша вақтда, ғам-ташвишини фарзанд ва неваралари еб турган вақтда улар катта бир саройда ўтирган маликадек, бошига бахт тожи кийдирилган подшоҳдек ўтирадилар.

Қўқонлик Ёрқинжон қори тарафидан таржима қилинган.

juda ham ma'noli asosli gaplar
asl manba
http://muslima.uz

[Sirius_s]

Нима киласиз яшириб?! 9:44:31
Эй аёллар, нима қиласиз яшириб, барибир уларга ўхшагингиз келади-ку! Ҳарир матодан тикилган либослари билаклари-ю, товонлари, ёқаларию юзларигача беркитиб турганини кўриб доимо ҳавас ила боқасиз-ку.
Жамоат транспорти, ишда ёки кўчада, хуллас, қаерда бўлса ҳам ўзингизга ўхшаб кийинмаган мунис аёлларни кўриб қолсангиз, уларга эътибор бериб, мен ҳам имкони бўлса шундай кийинардим, деган хаёл ўтган-ку қачондир. балки, бу хаёл Сизга ҳар куни бир келиб кетар?! Нега буни амалга ошириш имконияти йўқ экан. Бор-да, бўлганда ҳам қандоқ. Фақатгина фикрларингизни бир оз ўзгартириб, нафсингизни жиловласангиз кифоя. Қийинми? Билмасангиз билиб қўйинг, мана шу қийин кўринаётганлиги шайтондандир.

Ҳеч эътибор берганмисиз, очиқ кийинган аёл билан Аллоҳ амрига жавобан авратларини беркитиб юрган аёлнинг ёнма-ён ўтирганини! Жуда қизиқ ҳолат-а! Агар гувоҳ бўлган эрсангиз биласиз ким гўзалроқлигини. Баъзи эркаклар очиқ кийинган аёлга қарайди. Қараганда ҳам ХИРС билан қарайди. Авратлари ёпилган, яъни мастура аёлга қараган эркаклар ичларида раҳматлар айтадилар ўзини-ўзи асраб юргани учун. Йўқ деб кўринг-чи. Ундай деёлмайсиз ҳам. Чунки, бу Сизга ҳам маълум. Сиз аёллар минг уринманг ҳамки, барибир эркакларнинг аслида нима истаётганларини билолмайсиз. Агар Сиз очиқ кийиниб эркакларни қаратаётган бўлсангиз, билингки, улар Сизга фақат ва фақат ХИРС назари билан, КЎНГИЛХУШЛИК нияти билан қараётган бўладилар. Агар Сизга айнан шу нарса керак бўлса, марҳамат, кўчага чиқиб фоҳишалик билан шуғулланинг — барибир улар билан бир хил гуноҳли ишни қилмоқдасиз, таъбир жоиз бўлса улар билан ҳамкасбсиз!

Мавриди келганда бир нарсани сўраб олай, нари-бериси билан 1 қарич чиқадиган мини юбка (уни юбка дейиш ҳам ғалати, бошқа термин топиш керак, «Welcome» каби), лямка ёки калта либос кийиб олган «ҳурлиқо» негадир жамоат жойида, масалан метрода ўтириб кетаётганда икки оёғини бир бирига қапиштириб, очиқ тиззаси ҳамда лямкаси сабаб очилиб қолган жойларини метрода кетаётган йўловчилардан ёпишга уринади. Шуни тушунмайман. Ахир ўзингиз шу «кийим»ларни баъзи ерларингиз очилиб туришини билиб туриб, ҳаммага кўрсатиб юришга рози бўлиб кийгансизку, ахир ўша «кийим»ларни кийишдан мақсадингиз ҳам барчанинг эътиборини тортиш-ку, нима қиласиз шундоқ ҳам очилиб ётган авратларингизни беркитишга уриниб. Уларни беркитишни метрода эмас, уйдан чиқаётганда, тўғрироғи ўша кийимларни сотиб олаётганда ўйлаш керак эди. Бу ҳудди овқатнинг тузини атайин шўр қилиб тайёрлаб, таом тортилганда, вой, ман билмабман, деб гўёки барчанинг устидан кулишга ўхшайди, бу фақат ва фақат ўз-ўзини алдашдир. Энг қизиғи, бутун елка қисмларини ёпа олмайдиган лямкаларини тепага тортиб қўядилар, ҳудди елка-ю бошларигача етадигандек. Бу бечора ярим метрли мато ўзи сизнинг елкангизга 2та ип орқали илиниб турибди-ку. Ёки 1 қарич юбкаларини тиззаларига тортиб қўйишади! Ҳудди 1 қарич мато тиззаларни ёпиб, товонгача тушадигандек. Сал ишончлироқ ишни қилсангизчи-а! Шундоқ ҳам барчанинг назари тушавериб, тобора ҳунуклашиб бораётган елка ва оёқ қисмингизни нима қиласиз ҳаммага мақтанишга уриниб. Сиз бу кийимларни киявериб «китайский товар»га ўхшаб қолгансиз. Бизга эса ҳақиқий аёл керак. Тушунгандирсиз-а, нима демоқчи бўлганимни. Тушунмаган бўлсангиз, унда сизни бир оз мақтаб юборибман, узр!

Узр-ку, биз эркакларга МАСТУРА-МУНИСА қизлар ёқади. Ёққанда ҳам шунчалик ёқадики, уйланиш учун жуфт қидирилаётганда унинг гўзаллигига эмас, балки, унинг ХОТИН бўла оладими-йўқми, шунисига эътибор қиламиз. Шу гапнинг ўзи етади баъзи очиқ кийинаётган аёлларга.

Айтарсиз балки қанча очиқ кийинадиган дугонам эрга тегди-ку, деб. Тўғри, бундан кейин ҳам тегадилар. Ахир гуруч курмаксиз бўлмайди-ку. Эркакларнинг орасида ҳам турли хиллари бор. Ҳақиқий эркак ҳақиқий аёлни, иболи-ҳаёли ва мунис аёлни қидиради. Бундай аёлларнинг биринчи белгиси Аллоҳ рухсат берган ишларни қилиб, қайтарганидан тийилиб юришларидир. Яна айтарсиз ўраниб юрганларнинг кўпини кўрганмиз, гуноҳ ишдан боши чиқмайдиган, деб. Тўғри, ҳозир айтдим-ку гуруч курмаксиз бўлмайди деб. Рўмолни ниқоб қилиб, гуноҳ ишлар билан шуғулланувчиларга қилмишларига яраша жазо белгиланар қиёматда. Асосийси Сиз биласиз ўранганларга фақат гўзал амаллар ярашишини. Исломда бир одам фақат ўзига жавоб бера олади холос. Сиз нега авратларингизни ёпиб юрмаганингиз учун қиёматда фақат ўзингиз учун жавоб берасиз, Сиз айтолмайсиз «Бошқалар ҳам ўрамасди-ку» қабилидаги гапингизни. Сизга маълум эди бу иш ФАРЗ эканлиги. Худди бир ароқхўр бошқа ароқхўрга «Ароқ ичма, бу ҳаром, Аллоҳ ҳаром қилган», деса, бошқаси «Ўзинг ичиб юрибсан-ку» дейди. Қиёматда эса ўша одам сўроқ қилинаётганда «Нега ҳамр ичгансан» дейилади. Гуноҳкор банда «Мен билмаганман», деса, «Ҳамр ҳаромлигини сенга манави пайтда, манави киши айтган-ку» деган жавоб янграйди. «Ахир унинг ўзи ҳам ароқ ичарди-ку», деса, унга жавобан «У ўзининг гуноҳларига ўзи жавоб беради, сен эмас. Сенга ҳамрнинг ҳаромлиги ўша ароқхўр орқали билдирилган. Сен қизиқиб ҳам кўрмадинг унинг гапи ҳақми ё ёлғон», дейилади.

Билиб қўйинг, Сиз авратларни очиб юриш мумкин эмаслигини биласиз, БИЗ СИЗЛАРНИ ОГОҲЛАНТИРМОҚДАМИЗ, ЭҲТИЁТ БЎЛИНГ, ДЎЗАХ БИЛАН ҲАЗИЛЛАШМАНГ...


Айтганча, бу мақолани «ундайлар» ўқимасалар ҳам керак. Майли, шундай бўлса ҳам биз эркакларнинг бахти учун мақолаларимизни мастуралар ўқишсин ва билиб қўйишсин улар ЖУДА ТЎҒРИ ИШНИ ҚИЛМОҚДАЛАР! Сизларга раҳмат. Минг бора раҳмат! Ҳеч кўнглингизни чўктирманг, Сиз бизларнинг наздимизда энг олий ҳушҳулқ, энг гўзал, энг латофатли ва энг лобар аёлсиз! Сизга «ўшалар» ҳавас ила боқишсин.

Агар бу мақолани авратларини ёпиб юрмаётган аёлларимиз ҳам ўқиган бўлсалар уларга ҳам минг раҳмат. Ҳар ҳолда ҳақиқатни билиб қўйдингиз, ким аслида ким эканлигидан бохабар бўлганингиз учун ташаккур! Юқоридаги мақтовлар Сизга ҳам бағишланарди, агар ўзингизни ҳаромдан тия олсангиз. Уриниб кўринг, балки Сиз ҳам мақтовимизга арзирсиз, балки, биз эркакларнинг орзусидаги аёллардан бирига айланарсиз. Нима қиласиз яшириб, барибир уларга ҳавасингиз келмоқда-ку!!!

http://uzigabek.info/islom/artlib_gallery-14600-o.jpg

www.odamlar.uz